زه‌ریف: فراوانبوونی ده‌سه‌ڵاتی سه‌ربازی ئه‌مریكا مه‌ترسیداره‌

.

وه‌زیری ده‌ره‌وه‌ی ئێران هۆشداری ده‌دات له‌سه‌ر ره‌وانه‌كردنی هێزی زیاتری سه‌ربازی ئه‌مریكا بۆ رۆژهه‌ڵاتی ناوه‌ڕاست و به‌مه‌ترسی گه‌وره‌ی ده‌زانێت.

محه‌مه‌د جه‌واد زه‌ریف وه‌زیری ده‌ره‌وه‌ی ئێران، به‌یانی ئه‌مڕۆ رایگه‌یاند:" ره‌وانه‌كردنی هێزی سه‌ربازی زیاتر له‌لایه‌ن ئه‌مریكاوه‌ بۆ رۆژهه‌ڵاتی ناوه‌ڕاست، كاریگه‌ری گه‌وره‌و مه‌ترسیداری ده‌بێت له‌سه‌ر ئاشتی و ئارامی ناوچه‌كه‌".

رونیشكردوه‌ته‌وه‌:" ئه‌مریكا به‌رده‌وامه‌ له‌سه‌ر جێبه‌جێكردنی پیلانه‌كانی و ده‌بێت به‌ربه‌ست له‌به‌رامبه‌ر ئه‌و كارانه‌یدا بگیرێت و له‌ناوچه‌كه‌دا هه‌لوێستی به‌رامبه‌ر بنوێنرێت".

ئاماژه‌ی به‌وه‌شداوه‌:" زیاتركردنی ژماره‌ی سه‌ربازه‌كانی له‌ناوچه‌كه‌ زۆر مه‌ترسیداره‌".

PUKmedia ئاژانسەكان