19 خوێندكار گیانیان له‌ده‌ستدا

.

دوای چوونی ژماره‌یه‌ك خوێندكار بۆ سه‌نته‌رێكی زانستی له‌ ویلایه‌تی غوجاراتی رۆژئاوای هندستان، به‌هۆی گڕگرتنی ئه‌و بینایه‌ی تێیدا مابوونه‌وه‌ 19 خوێندكار گیانیان له‌ده‌ستدا كه‌ 16یان كچن.

ئه‌مڕۆ شه‌ممه‌ 25-5-2019، رۆژنامه‌ی تایمز ئۆف ئیندیا بڵاوی كرده‌وه‌، دوێنێ هه‌ینی به‌هۆی گڕگرتنی سه‌نته‌رێكی بازرگانییه‌وه‌ له‌ ناوه‌ڕاستی شاری سوراتی هیندستان، 19 خوێندكار گیانیان له‌ده‌ستدا كه‌ 16یان كچن و ته‌مه‌نیان له‌ خوار 20 ساڵیه‌وه‌یه‌.

ئاماژه‌ به‌وه‌شدراوه‌، به‌هۆی ئاگر كه‌وتنه‌وه‌ له‌ به‌رزكه‌ره‌وه‌ی باڵه‌خانه‌كه‌، چوار له‌ خوێندكاره‌كان له‌ نهۆمی چواره‌می باڵه‌خانه‌كه‌وه‌ خوێیان فڕێداوه‌ته‌ خواره‌وه‌ و به‌هۆی به‌هێزی كه‌وتنه‌ خواره‌وه‌كه‌شیان سیانیان گیانیان له‌ده‌ستداوه‌.

PUKmedia سکای نیوز