نوێنه‌رێك: ناكۆكی زۆر له‌سه‌ر پڕۆژه‌ یاسای دادگای فیدراڵی هه‌یه‌

.

ئه‌ندامێكی ئه‌نجومه‌نی نوێنه‌رانی عیراق رایگه‌یاند: تێبینی و ناكۆكی زۆر هه‌یه‌، له‌سه‌ر پڕۆژه‌ یاسای دادگای فیدراڵی.

دیلان غه‌فور ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان ئه‌مڕۆ 24-5-2019، به‌ PUKmedia  ی راگه‌یاند: تێبینی و ناكۆكییه‌كان له‌ نێوان لایه‌نه‌ سیاسییه‌كانی نێو ئه‌نجومه‌نی نوێنه‌ران، له‌سه‌ر پڕۆژه‌ یاسای دادگای فیدراڵی زۆرن.

راشیگه‌یاند: گرنگترین تێبینییه‌كان له‌سه‌ر پڕۆژه‌ یاساكه‌دا دیارینه‌كردنی ته‌مه‌نی ئه‌ندامانی دادگای فیدراڵییه‌، هه‌روه‌ها له‌ پڕۆژه‌كه‌دا به‌شی لایه‌نه‌ سیاسییه‌كان له‌ ئه‌ندامانی دادگای فیدراڵی له‌به‌رچاو نه‌گیراوه‌.

دیلان غه‌فور وتیشی: پێموایه‌ پڕۆژه‌ یاساكه‌ له‌ ئه‌نجومه‌نی نوێنه‌ران تێده‌په‌ڕێنرێت، بۆیه‌ش به‌پێی ئه‌و تێبینی و ناكۆكییه‌ی كه‌ له‌سه‌ر پڕۆژه‌كه‌ هه‌یه‌، بۆی هه‌یه‌ چه‌ند گۆڕانكارییه‌كی تێدا بكرێت، به‌ تایبه‌ت له‌ دابه‌شكردنی كورسییه‌كان به‌سه‌ر لایه‌نه‌ سیاسییه‌كاندا.

PUKmedia تایبه‌ت