قه‌ڵادزێ.. له‌ رووداوێكی هاتوچۆدا كه‌سێك گیانیله‌ده‌ستدا

.

 به‌هۆی ڕووداوێكی هاتووچۆوه‌ له‌ قه‌ڵادزێ هاووڵاتییه‌ك گیانیله‌ده‌ستدا.

به‌یانی ئه‌مڕۆ 24-5-2019، له‌ گه‌ڕه‌كی ئاشتی شارۆچكه‌ی قه‌ڵادزێ ئۆتۆمبێلێكی جۆری (فرفرتۆ) له‌گه‌ڵ ماتۆڕسكیلێك خۆیان به‌یه‌كداكێشاو به‌و هۆیه‌شه‌وه‌ شۆفێری ماتۆڕسكیله‌كه‌ به‌ناوی ( ش . خ . ع ) له‌دایك بووی ساڵی 1999 پیشه‌ی كاسب، دانیشتووی قه‌ڵادزێ گیانیله‌ده‌ستدا.

به‌ وته‌ی شۆفێری ئۆتۆمبێلی ناوبراو ماتۆڕسكیله‌كه‌ به‌ پێچه‌وانه‌ی ئاڕاسته‌ی شه‌قام رۆیشتووه‌ ئه‌ویش له‌ كۆڵانێكه‌وه‌ ویستویه‌تی بچێته‌وه‌ سه‌ر سایدی خۆی و ماتۆڕسكیله‌كه‌ خۆی خستۆته‌ به‌رده‌م ئۆتۆمبێله‌كه‌ی و دواتر فڕێی داوه‌ته‌ سایدی به‌رامبه‌رو له‌و سایده‌ش بۆ جاری دووه‌م ئۆتۆمبێلێكی جۆری  توێتا/پیكاب ئه‌و هاووڵاتییه‌ی كردووه‌ به‌ ژێره‌وه‌و به‌و هۆیه‌شه‌وه‌ گیانی له‌ده‌ستداوه‌.

به‌ بڕیاری دادوه‌ر شۆفێری هه‌ردوو ئۆتۆمبێله‌كه‌ ڕاگیراون، مه‌له‌فی لێكۆڵینه‌وه‌ بۆ ڕووداوه‌كه‌ كراوه‌ته‌وه‌و لێكۆڵینه‌وه‌ش به‌رده‌وامه‌.

PUKmedia ڕاگه‌یاندنی به‌ڕێوه‌به‌رایه‌تی پۆلیسی ڕاپه‌ڕین