په‌رله‌مانی عیراق لێكۆڵینه‌وه‌ له‌رووداوه‌كانی خانه‌قین ده‌كات

.

سبه‌ینێ پێنج شه‌ممه‌ وه‌فدێكی لیژنه‌ی ئاسایش و به‌رگری ئه‌نجومه‌نی نوێنه‌رانی عیراق، سه‌ردانی خانه‌قین ده‌كه‌ن و لێكۆڵینه‌وه‌ له‌رووداوه‌ تیرۆرستیه‌كانی ئه‌مدواییه‌ی ناوچه‌كه‌ده‌كه‌ن.

شێركۆ میروه‌یس ئه‌ندامی ئه‌نجومه‌نی نوێنه‌رانی عیراق به‌ PUKmedia ی راگه‌یاند: به‌مه‌به‌ستی لێكۆڵینه‌وه‌ له‌رووداوه‌ تیرۆرستیه‌كانی ئه‌مدواییه‌ی خانه‌قین و گونده‌كانی ده‌وروبه‌ری وه‌فدێكی لیژنه‌ی ئاسایش و به‌رگری ئه‌نجومه‌نی نوێنه‌رانی عیراق  سه‌ردانی ناوچه‌كه‌ ده‌كه‌ن.

وتیشی: دیاره‌ ئه‌مه‌ش دوای ئه‌وه‌ هات، فراكسیۆنه‌ كوردستانیه‌كان یاداشتێكیان ئاڕاسته‌ی سه‌رۆكایه‌تی په‌رله‌مانی عیراق و لایه‌نه‌ په‌یوه‌ندیداره‌كان كرد،و ته‌واوی ورده‌ كاریه‌كانی رووداوه‌كانی ئه‌م دواییه‌ی خانه‌قین و گونده‌كانیان ئاشكراكردبوو.

رونیشكرده‌وه‌: لیژنه‌كه‌ له‌ته‌واوی  ئه‌و په‌لاماره‌ تیرۆرستی و سوتاندنی ده‌خڵ و دان و بۆمبڕێژكردنی گونده‌كان و چه‌ندین كرده‌وه‌ی تیر ده‌رحه‌ق به‌خه‌ڵكی خانه‌قین ده‌كۆڵنه‌وه‌و ئامانجی سه‌ره‌كیش بۆ رێگه‌گرتن له‌دووباره‌ بوونه‌وه‌ی ئه‌و كرده‌وانه‌یه‌ كه‌له‌ناوچه‌كه‌دا روویانداوه‌.

PUKmedia سامان یاروه‌یس