نوێنه‌رێك: ناكۆكییه‌كان له‌سه‌ر دابه‌شكردنی لیژنه‌كان به‌رده‌وامه‌

.

ئه‌ندامێكی ئه‌نجومه‌نی نوێنه‌رانی عیراق رایگه‌یاند: ناكۆكی نێوان لایه‌نه‌ سیاسییه‌كان رێگره‌ له‌به‌رده‌م یه‌كلاییكردنه‌وه‌ی سه‌رۆك و بڕیارده‌ری لیژنه‌كانی نوێنه‌ران.

حه‌سه‌ن ئاڵی ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان ئه‌مڕۆ 20-5-2019، به‌ PUKmedia ی راگه‌یاند: وابڕیاربوو بابه‌تی هه‌ڵبژاردنی سه‌رۆك و بڕیارده‌ری لیژنه‌كانی نوێنه‌ران له‌م هه‌فته‌یه‌دا یه‌كلابكرێته‌وه‌، به‌ڵام تا ئێستا ناكۆكییه‌ سیاسییه‌كان له‌نێوان لایه‌نه‌ سیاسییه‌كانی نوێنه‌ران له‌سه‌ر ئه‌وپرسه‌ به‌رده‌وامه‌، به‌و پێیه‌ش بێت ئه‌و بابه‌ته‌ به‌مزوانه‌ یه‌كلایی نابێته‌وه‌.

 راشیگه‌یاند: ماوه‌یه‌ك له‌مه‌وبه‌ر رێكه‌وتنی مه‌ده‌بده‌ئی له‌سه‌ر دابه‌شكردنی لیژنه‌كان له‌نێوان لایه‌نه‌ سیاسییه‌كان هه‌بوو، به‌ڵام له‌ ئێستادا به‌شێك له‌ لایه‌نه‌ سیاسییه‌كان پاشه‌كشه‌یان له‌و رێكه‌وتنه‌كردووه‌، وتیشی: هه‌ندێك لایه‌نی سیاسی داواده‌كه‌ن دابه‌شكردنی لیژنه‌كان به‌ پێی پره‌نسیپی  زۆرینه‌و كه‌مینه‌ بێت، بۆیه‌ش تائێستا ناكۆكییه‌كان له‌سه‌ر ئه‌و پرسه‌ به‌رده‌وامه‌. 

PUKmedia تایبه‌ت