نوێترین زانیاری له‌سه‌ر ته‌قینه‌وه‌كه‌ی ناوچه‌ی سه‌وزی به‌غدا

.

دوای ئه‌وه‌ی ئه‌مشه‌و موشه‌كێك له‌ناو باخچه‌یه‌كی باڵوێزخانه‌ی ئه‌مریكا له‌به‌غدا كه‌وته‌ خواره‌وه‌، هێزه‌ ئه‌منیه‌كان ده‌ستیان به‌لێكۆڵینه‌وه‌ كردوه‌و شوێنی هاویشتنه‌كه‌ی ئاشكرابووه‌و ئۆتۆمبێلێكی گومانلێكراویش ده‌ستبه‌سه‌ركراوه‌.

ئاژانسی هه‌واڵی عه‌ره‌بیه‌، بڵاویكردوه‌ته‌وه‌:" له‌دوای هاویشتنی موشه‌كه‌كه‌، ده‌ركه‌وتووه‌ له‌ناو باخچه‌یه‌كی  باڵوێزخانه‌ی ئه‌مریكا كه‌وتووه‌ته‌ خواره‌وه‌و ئاماژه‌كان به‌ته‌واوی هێرشكردنه‌ سه‌ر بینای باڵوێزخانه‌كه‌ دووپات ده‌كه‌نه‌وه‌".

له‌لایه‌كی تریشه‌وه‌، ئاژانسی هه‌واڵی فه‌ره‌نسا، زانیاری نوێی ئاشكراكردوه‌و بڵاویكردوه‌ته‌وه‌:" ئه‌و موشه‌كه‌ له‌ سه‌ربازگه‌ی ره‌شید له‌باشوری به‌غدا به‌ره‌و ناوچه‌ی سه‌وز هاوێشتراوه‌و  له‌نزیك باڵوێزخانه‌ی ئه‌مریكا كه‌وتووه‌ته‌ خواره‌وه‌".

سه‌رچاوه‌ ئه‌منیه‌كان ئه‌وه‌شیان دووپاتكردوه‌ته‌وه‌:" هیچ زیانێكی گیانی به‌دواوه‌ نه‌بوووه‌و لێكۆڵینه‌وه‌كان به‌رده‌وامن".

سه‌رچاوه‌یه‌كی تر به‌میدیا جیهانیه‌كانی وتووه‌:" له‌شه‌قامی محه‌مه‌د قاسم له‌رۆژهه‌ڵاتی به‌غدا به‌و هۆیه‌وه‌ ئۆتۆمبێلێكی گومان لێكراو ده‌ستبه‌سه‌ر كراوه‌و لێكۆڵینه‌وه‌ له‌سه‌ری به‌رده‌وامه‌".

ئه‌مریكا زیاتر له‌ پێنج هه‌زار سه‌ربازی له‌سنوری به‌غدای پایته‌ختدا هه‌یه‌.

PUKmedia ئاژانسەكان