مەلا بەختیار:دژایەتیكردنی ئەقڵی نوێ‌‌و رێبازی نوێ‌، بۆ پاراستنی بەرژەوەندییەكانە!

مەلا بەختیار:دژایەتیكردنی ئەقڵی نوێ‌‌و رێبازی نوێ‌، بۆ پاراستنی بەرژەوەندییەكانە!


19/5/2019 19:49:00
چاپ کردن
بە وێنەوە    بە بێ وێنە
           
.

پێشنیوەڕۆی ئەمڕۆ (19/5/2019) مەلا بەختیار، لێپرسراوی دەستەی كارگێڕی، پێشوازی لەژمارەیەك كادری رێكخراوە دیموكراتییەكانی ناوەندی رێكخراوە دیموكراتییەكانی گەرمیان‌و مامۆستایانی زانكۆ كرد.

لەدیدارەكەدا مەلا بەختیار، بنەمای بیركردنەوەی كلاسیكی لەسیاسەتداو تێنەگەیشتن لەگۆڕاوی سەردەم‌و گۆڕانی گوتاری كوردەواری، لەگوتارێكی كۆنەوە بۆ گوتارێكی هاوچەرخ شرۆڤە كردو رونیكردەوە، هاوچەرخبوون بەمانای بازاڕ، ئابوری، چینی تازە، بیری تازە، پەیوەندی كۆمەڵایەتی تازەو بزوتنەوەی سیاسی تازەو بزوتنەوەی دیموكراتی، مەدەنی تازەو تەنانەت تاكگەرایش، كەئێستا دیاردەیەكی بەرجەستەیە‌و رایگەیاند:

ئەم دیاردانە خوێندنەوەیان دەوێت‌و پاش تێگەیشتن‌و ئەنجام لێوەرگرتنیان، دەبێ‌ بزانیت هەموو ئەمانە ئەركێكی هاوچەرخن بۆ سەردەمێكی نوێ‌‌و دەشبێ‌ بزانیت ئەمە دەتباتە ناو ململانێ لەگەڵ ئەو كەسانەی، ئەو حزب‌و ئەقڵ‌و دەسەڵاتانەی لەسەردەمەكە تێناگەن. چونكە هەمیشە گۆڕانكارییە كۆمەڵایەتییەكان، بەململانێ‌ هاتونەتەدی، هەربۆیە گۆڕانی كۆمەڵایەتی گەورە، وەرچەرخانی كۆمەڵایەتی گەورە، بەبێ‌ ململانێ‌‌و بەبێ‌ قوربانی‌و بەبێ‌ بەرگەگرتنی ئەقڵی رزیو و دواكەوتوو، ئەقڵێك كە دەیەوێ‌، ئەقڵی رابردوو بەناوی سیاسەتەوە بخاتەكار، هیچ كاتێك ناتوانی لەدەستی ئەو ململانێیە دەربازببیت، ئەگەر خۆت بەفكرو فەلسەفە بۆ ئەو ململانێیە ئامادەنەكردبێت.

مەلا بەختیار، جەختیشیكردەوە: دژایەتیكردنی ئەقڵی نوێ‌، رێبازی نوێ‌، بۆ پاراستنی بەرژەوەندییەكانی ئێستایە، كە بەداخەوە ئەو بەرژەوەندییانەیە كە بەناشەرعی دەستكەوتوون. چونكە بەرژەوەندی ناشەرعی، رێگای ناشەرعیش دەگرێتەوە بۆ پاراستنی‌و ئاماژەی بۆ ئەوەكرد: ئێوەش وەك كادری رێكخراوەكان هیچ كاتێك بەشەیری مەزانن كە ململانێتان لەگەڵ بكەن‌و تەئكیدیشی كردەوە: پێویستە یەكێتی، سیاسەتی خۆی بەرامبەر بە مەكتەبی رێكخراوەكان، بۆردەكان، ناوەندەكان، رێكخراو بەڕێكخراو و سەندیكا بەسەندیكا بگۆڕێت، ئەوش لەپێناو گەشانەوە زیاتری متمانەو جۆشدانەوەی هزری یەكێتی، بەگوتاری نوێ‌، ئەقڵی نوێ‌‌و رۆشنگەر‌و سیاسەتی نوێ‌، كە بتوانێ‌ پێبەپێی سەردەم‌و گۆڕانكارییەكان، رووداوەكان تێبەپڕێنێت.

لێپرسراوی دەستەی كارگێڕی، ئاماژەی بۆ ئەوەشكرد، كە كادران‌و هەڤاڵانی رێكخراوەكان پێویستە ئەو ململانێیە، بەململانێیەكی سروشتی بزانن، چونكە یاخی بوون هەڵەیە، شەخسەنەكردنی كێشەكان هەڵەیە، كێشەنانەوەش هەر هەڵەیە، لەبەرئەوەی یەكێك لەخەسڵەتەكانی خەباتی مەدەنی‌و سەندیكایی، بەئارامی و بەریفۆرم گۆڕانكاریی هاتنە دییە، نەك بەیاخیبوون. چونكە بەشۆڕشگێڕێتی نە داخوازیی پیشەیی دێتەدی، نە كۆمەڵی مەدەنیش دادەمەزرێ‌.

جەختیشیكردەوە: كاتێك رێگاكانی ئەقڵ، مەعریفە، دیموكراسی، مەدەنی، رێگەی خەباتی سەندیكا‌و مەدەنی‌و پیشەیی، رێگای خۆشگوزەرانی لەخۆت دادەخەیت، ئەوا جیاوازییەكانت لەگەڵ لایەنەكانی تر كاڵدەبنەوەو كاتێك ئەو جیاوازیانە كاڵبونەوە ئەوا متمانە لەدەستدەدەیت. چونكە خەڵك بەجیاوازیی‌و بەڕەخنەكانەوە ئێمەی دەوێت، بەهەڵوێستەكان، بەپێداگیری لەسەر پرنسیپەكان، دیموكراسی‌و دادپەروەری ئێمەی دەوێت!.

 

PUKmedia تایبەت 

وێنە هەواڵ
  • image04
  • خؤثيشاندان لةلوبنان

  • image04
  • محه‌مه‌دی 13 ساڵان یه‌كێك له‌ بریندارانی چه‌كی قه‌ده‌غه‌كراو له‌ رۆژئاوا

  • image04
  • حەلەبی سوریا.. وێنەی فرانس پرێس

  • image04
  • شه‌هید فاتیح.. یه‌كه‌م شه‌هیدی شۆڕشی نوێ

  • image04
  • له‌ سلێمانیه‌وه‌ پشتگیری رۆژئاوا ده‌كرێت

  • image04
  • كورد له‌ رۆژئاوا ئاواره‌ ده‌بێته‌وه‌

  • image04
  • پەیكەر بۆ د.جەمال ئەحمەد ناسراو بە (باوكی منداڵان) دروستدەكرێت

  • image04
  • لەساڵیادی كۆچی دوایی مام جەلال دا، مەلا بەختیار سەردانی خاتوو هێرۆ ئیبراهیم ئەحمدی کرد


                                           

نه‌مسا.. كه‌رتی رێكخستنی ڤین كۆنفرانسی ئه‌نجامدا


ڕۆژی یه‌كشه‌ممه‌ 20-10-2019 به‌ئاماده‌بوونی لێپرسراو وكارگێڕانی كۆمیته‌، كه‌رتی رێكخستنی ڤییه‌ننای یه‌كێتیی نیشتم...


  كه‌نه‌دا.. كۆنفرانسی ماڵی كورد به‌ڕێوه‌چوو
  دانیمارك.. پرسه‌ بۆ شه‌هید هفرین و هاوڕێكانی دانرا
                                           

عومەر شێخ موس: سەركردایەتیی كورد لەسیاسەت تێ نەگەیشتووە


عومەر شێخ موس، سیاسەتمەداری كورد، كە خەڵكی رۆژئاوای كوردستانە جەخت لەسەر ئەوە دەكاتەوە، ئەو پشتتێكردنەی ئەمەریكا لە رۆژئاوای كوردستان ئەگەر هەیە لە دژی هەرێمی كوردستانیش دووبارە ببێتەوە و دەشڵێت: ب...


  حاجی مەسیفی: بۆ دانانی پارێزگاری كەركوك چیتر سەبرمان نەماوە
  موكه‌ڕه‌م تاڵه‌بانی: به‌ بارزانیم وت ڕیفراندۆم سودی بۆ كوردستان نابێت
                                           

%40ی رێگەكانی هەرێم بۆ شۆفێری گونجاونین

رێگەكانی هاتووچۆ زۆربەیان بێكەڵك و پڕتاسە و چاڵن، حكومەتیش لە توانایدا نەبووە چاكیان بكاتەوە بە بیانووی قەیرانی دارایی، هۆكارێكی رووداوەكانی هاتووچۆش خراپیی ئەو رێگەیان...


  ئاڵتونی زۆر بەختی كچانی دهۆك دەسوتێنێت
  ئه‌و 7 ڕۆژه‌ی عیراقی هه‌ژاند !


کاریکاتێر