ئه‌نگێلا مێركلیش هاته‌ قسه‌

.

دوای ئاشكرابوونی گه‌نده‌ڵیه‌كه‌ی جێگری ڕاوێژكاری نه‌مسا و له‌كاتێكدا كه‌هه‌فته‌یه‌كی ماوه‌ بۆ هه‌ڵبژارنه‌كانی په‌رله‌مانی ئه‌وروپا و ئه‌نگلێلامێركل داوا ده‌كات به‌توندی ڕووبه‌ڕووی ڕاستڕه‌وه‌ پۆپۆلیستیه‌كان ببنه‌وه‌ و"كارنباوری سه‌رۆكی سۆسیال دیموكراته‌كانیش ده‌ڵێ نابێت ڕێگه‌ به‌و جۆره‌ كه‌سانه‌ بدرێت به‌رپرسیارێتی ئه‌وروپا وه‌رگرن.

ئه‌نگێلا مێركل ڕاوێژكاری ئه‌ڵمانیا له‌كۆنگره‌یه‌كی ڕۆژنامه‌نوسیدا له‌ پایته‌ختی كرواتیا دوێنێ 18ی ئایاری 2019 داوایكرد به‌توندی ڕووبه‌ڕووی ڕاستڕه‌وه‌ هه‌لپه‌رسته‌كان و ئه‌و ڕه‌وتانه‌ ببنه‌وه‌ كه‌ ده‌یانه‌وێت ئه‌وروپا وێران بكه‌ن و داب و نه‌ریته‌كانی بشێوێنن.

 وتیشی: ئه‌وانه‌ی خۆیان ده‌فرۆشن نابێت هیچ ڕۆڵێكیان هه‌بێت و ده‌بێت به‌توندی  ئه‌و پرسه‌ یه‌كلایی بكه‌ینه‌وه‌.

لای خۆشیه‌وه‌ هایكۆماسی وه‌زیری ده‌ره‌وه‌ی ئه‌ڵمانیا پێیوایه‌ ڕاوێژكاری نه‌مسا"سباستیان كورتز" نابه‌رپرسانه‌ یاری به‌ ده‌سه‌ڵاته‌كان و به‌رپرسیارێتی كردووه‌ و پارتی ڕاستڕه‌وی توندڕه‌وی كردۆته‌ هاوپه‌یمانی ده‌سه‌ڵات.

 بڵاوبونه‌وه‌ی ڤیدیۆیی كاره‌ساتی ڤیدیۆیی و په‌یوه‌ندی جێگری ڕاوێژكاری نه‌مسا به‌ژنێكی ناودارو كاریگه‌ری ڕوسیه‌وه‌و به‌كارهێنانی له‌هه‌ڵبژاردنه‌كاندا ڕاگه‌یاندنه‌كانی ئه‌وروپا به‌تایبه‌تی ئه‌ڵمانیاو نه‌مسای پڕكردوو بوه‌ گورزێكی به‌هێز بۆ ناوچه‌وانی به‌ره‌ی نه‌ته‌وه‌یی ڕاستڕه‌وی ئه‌وروپی به‌تایبه‌تی به‌ر له‌ هه‌ڵبژاردنی په‌رله‌مانی ئه‌وروپا كه‌ هه‌فته‌یه‌كی ماوه‌.

ئه‌و گرته‌ ڤیدیۆییه‌ كه‌ له‌دۆرگه‌ی"ئیبیزا"ی ئیسپانی به‌نهێنی گیراوه‌ به‌چه‌ند مانگێك به‌ر له‌ هه‌ڵبژاردنه‌كانی نه‌مسا بووه‌و تیایدا جێگری ڕاوێژكاری نه‌مسا گفتوگۆو دانوسان ده‌كات له‌گه‌ڵ كه‌سایه‌تیه‌كی ژنی ڕوسیدا بۆ ئه‌گه‌ری یارمه‌تیدانی مادی له‌به‌رامبه‌ر پشتگیری له‌هه‌ڵبژاردنه‌كان و به‌خشینی چه‌ندین گرێبه‌ستی گه‌وره‌ی حكومی.

PUKmedia شیهاب عوسمان- ئه‌ڵمانیا
سه‌رچاوه‌/  ئاژانسی هه‌واڵی ئه‌ڵمانی، دۆیچه‌ڤیلله‌