جێگری راوێژكاری نه‌مسا ده‌ستله‌كار ده‌كێشێته‌وه‌

.

"شپیگل و ڕۆژنامه‌ی زود دۆیچه‌ تسایتۆنگ"ی ئه‌ڵمانی پشتڕاستیانكرده‌وه‌، جێگری ڕاوێژكاری نه‌مسا "هاینز كریستیان"سه‌ركرده‌ی پارتی راستڕه‌وی نه‌مساوی ته‌مه‌ن 49ساڵ ئه‌مڕۆ 18 ئایار ده‌ستله‌كاركێشانه‌وه‌ی خۆی ڕاگه‌یاند، ئه‌م ده‌ست له‌كاركێشانه‌وه‌یه‌ له‌سه‌روبه‌ندی ئاشكرابونی گه‌نده‌ڵی و بڵاوبونه‌وه‌ی گرته‌یه‌كی ڤیدیۆییدا هات كه‌ مێژووه‌كه‌ی ده‌گه‌ڕێته‌وه‌ بۆ به‌ر له‌24ی ته‌مموزی 2017 له‌گه‌ڵ كچێكی ڕوسی دا له‌دورگه‌ی"ئیبیزا"ی ئیسپانی..!

له‌ڤیدیۆكه‌دا ده‌ركه‌وتووه‌ كه‌جێگری ڕاوێژكاری نه‌مسا رێكه‌وتنی له‌گه‌ڵ ئه‌و كچه‌دا كردوه‌ به‌مه‌به‌ستی پشتگیریكردنی سیاسی و میدیایی له‌هه‌ڵبژاردنه‌كاندا به‌رامبه‌ر به‌كۆمه‌كی ماددی.

دوای ئاشكرابوونی ئه‌م گرته‌ ڤیدیۆییه‌ كه‌ گرێبه‌ستی نهێنی گه‌وره‌ی حكومی بۆ ئه‌و كچه‌ ڕوسیه‌ تیاخراوه‌ته‌ڕوو به‌رامبه‌ر به‌پشتگیری"هاینز كریستیان" له‌به‌رامبه‌ر ده‌رچونیدا له‌هه‌ڵبژاردنه‌كانی نه‌مسادا، جێگری ڕاوێژكاری نه‌مسا لای خۆیه‌وه‌ ڕایگه‌یاند، ئه‌و چه‌ند جارێك كراوه‌ته‌ ئامانجی سیاسی بۆ شكاندن و شكست پێهێنانی!! دانی به‌وه‌شدا ناوه‌ له‌و دانیشتنه‌دا بیركردنه‌وه‌ی هه‌رزه‌كارانه‌ بووه‌، چونكه‌ بڕێكی زۆر كحولی خواردۆته‌وه‌و ده‌شڵێت ئه‌و تۆمه‌تانه‌ غه‌دره‌و ئه‌و دیداره‌ش هیچ به‌رهه‌مێكی نه‌بووه‌ و له‌نامه‌ی ده‌ست له‌كاركێشانه‌وه‌یداو داوای لێبوردنی له‌ خێزانه‌كه‌یی و له‌ڕاوێژكاری نه‌مسا كردوه‌و دانی پێداده‌نێت كه‌ وه‌ك هه‌رزه‌كارێك مامه‌ڵه‌ی كردوه‌و توانای كۆنترۆلكردنی قسه‌كانی نه‌بووه‌.

سه‌باره‌ت به‌م كه‌یسه‌ هایكۆماسی وه‌زیری ده‌ره‌وه‌ی ئه‌ڵمانیا به‌ڕۆژنامه‌ی "بیڵدی" وتووه‌ ڕاستڕه‌وه‌كان دوژمنی ئازادین و ئه‌و پێشتر دركی پێكردووه‌و له‌سه‌روبه‌ندی هه‌ڵبژاردنه‌كانی ئه‌وروپاداشدا هۆشداری ئه‌دات له‌ مه‌ترسی سه‌ركه‌وتنی ڕاستڕه‌وه‌كان و ده‌شڵێت له‌سه‌رمانه‌ به‌ده‌نگێكی به‌رز ڕوبه‌ڕویان ببینه‌وه‌و ڕێگه‌ له‌پشتگیریان بگرین.

PUKmedia شیهاب عوسمان/ئه‌ڵمانیا

سه‌رچاوه‌: فوكس