كۆڕێك بۆ خه‌باتی نیو سه‌ده‌ی نه‌مر عادل موراد سازده‌كرێت

كۆڕێك بۆ خه‌باتی نیو سه‌ده‌ی نه‌مر عادل موراد سازده‌كرێت


16/5/2019 10:02:00
چاپ کردن
بە وێنەوە    بە بێ وێنە
           
.

ئێواره‌ كۆڕێك بۆ خه‌باتی نیو سه‌ده‌ی سه‌ركرده‌ی نه‌مر عادل موراد ئه‌نجامده‌درێت.

بڕیار ئه‌مڕۆ پێنج شه‌ممه‌ 16-5-2019 ئێواره‌ كۆڕێك بۆ خه‌باتی نیو سه‌ده‌ی سه‌ركرده‌ی نه‌مری گه‌له‌كه‌مان عادل موراد ئه‌نجامده‌درێت.
شوێن هۆڵی رۆشنبیری سلێمانی/ سه‌عات 4ی پاشنیوه‌ڕۆ.

هاتن بۆ هه‌موانه‌...

هه‌ر له‌مه‌راسیمه‌كه‌دا كتێبی (المناضل الشامخ) له‌ئاماده‌كردنی محه‌مه‌د شێخ عوسمان به‌زمانی عه‌ره‌بی به‌سه‌ر ئاماده‌بواندا دابه‌شده‌كرێت.

 

رۆژی 18-5-2018 عادل موراد یه‌كێك له‌ دامه‌زرێنه‌ری یه‌كێتیی نیشتمانیی كوردستان له‌ وڵاتی ئه‌ڵمانیا كۆچی دوایی كرد.

عادل موراد له‌ 11ی كانونی یه‌كه‌می ساڵی 1949 له‌ شاری خانه‌قین له‌دایكبووه‌ و بڕوانامه‌ی به‌كالۆریۆسی له‌ كیمیادا له‌ زانكۆی به‌غدا به‌ده‌ستهێناوه‌و یه‌كێك بوو له‌ ده‌سته‌ی دامه‌زرێنه‌رانی یه‌كێتیی نیشتمانیی كوردستان.

هه‌روه‌ها له‌ حكومه‌تی كاتی عیراقدا نوێنه‌ری ی.ن.ك بوو له‌ به‌غداو ماوه‌یه‌ك نوێنه‌ری تایبه‌تی سه‌رۆك مام جه‌لال بووه‌ له‌ دیمه‌شق، له‌گه‌ڵ ئه‌وه‌شدا ماوه‌ی چوار ساڵ باڵیۆزی عیراق بووه‌ له‌ رۆمانیاو ماوه‌ی چه‌ند ساڵێكیش لێپرسراوی مه‌كته‌بی ناوه‌ندی راگه‌یاندنی ی.ن.ك بووه‌و پاشان له‌ كۆنگره‌ی سێیه‌می یه‌كێتییدا وه‌ك سكرتێری ئه‌نجومه‌نی ناوه‌ندی یه‌كێتیی نیشتمانیی كوردستان دیاریكراوه‌.

ماوه‌ی چه‌ند مانگێكه‌ بۆ چاره‌سه‌ری پزیشكی عادل موراد رووی له‌ وڵاتی ئه‌ڵمانیا كردوه‌و به‌داخه‌وه‌ به‌یانی ئه‌مڕۆ له‌نه‌خۆشخانه‌یه‌كی ئه‌و وڵاته‌ كۆچی دوایی كرد.

01.jpg


ژیاننامه‌ی عادل موراد
سه‌ر له‌ به‌یانی رۆژی 18-5-2018 عادل موراد ئه‌ندامی ده‌سته‌ی دامه‌زرێنه‌ری یه‌كێتی و سكرتێری ئه‌نجومه‌نی ناوه‌ندی یه‌كێتی كۆچی دوایی كرد.
ئه‌ندامی ده‌سته‌ی دامه‌زرێنه‌ری یه‌كێتی نیشتمانیی كوردستان و لێپرسراوی ئه‌نجوومه‌نی ناوه‌ندی یه‌كێتیی بوو.

عادل موراد، له‌ دایكبوونی ساڵی 1949 ی شاری به‌غداده‌ و به‌ ره‌چه‌ڵه‌ك ده‌چێته‌وه‌ سه‌ر كورده‌ فه‌یلییه‌كان.
خوێندنی سه‌ره‌تایی له‌ خوێندنگه‌ی كوردانی فه‌یلی و ھه‌ردوو قۆناغی ناوه‌ندی و ئاماده‌یی له‌ به‌غدا ته‌واو كردووه‌.

عادل موراد، سه‌ره‌ڕای دووری له‌ كوردستان ژیانی سیاسیی له‌ پێناو كوردایه‌تیدا به‌ زوویی ده‌ستپێكردووه‌.
له‌و پێناوه‌شدا له‌ ساڵی 1956 له‌ به‌غدا په‌یوه‌ندی به‌ رێكخستنه‌كانی پارتی دیموكراتی كوردستانه‌وه‌ كردووه‌.

له‌ ساڵی 1966دا له‌ به‌شی كیمیای كۆلێژی په‌روه‌رده‌ی زانكۆی به‌غدا وه‌رگیراوه‌و له‌و ماوه‌یه‌دا سه‌رپه‌رشتی به‌شێكی رێكخستنه‌كانی به‌غدادی كردووه‌.

له‌ ساڵی 1969 كاتێك به‌شێكی رێكخستنه‌كان ئاشكرا ده‌بن و واز له‌ خوێندن ده‌ھێنێت و روو ده‌كاته‌ شاخ و ده‌بێته‌ پێشمه‌رگه‌.

1.jpg



له‌ ژیانی پێشمه‌رگایه‌تیدا ده‌بێته‌ ئه‌ندامی ناوچه‌ی پارتی له‌ ناوچه‌ی باڵه‌كایه‌تی و له‌ ھه‌مان كاتدا له‌به‌ر كه‌می مامۆستای گونده‌كان، له‌ خوێندنگه‌ی یه‌كێك له‌ گونده‌كان ده‌ست به‌كاری مامۆستایه‌تی ده‌كات.
پاش راگه‌یاندنی به‌یاننامه‌ی 11ی ئازاریی ساڵی 1970 له‌ كۆنگره‌ی یه‌كێتی قوتابیانی كوردستان به‌ سكرتێری یه‌كێتیه‌كه‌ ھه‌ڵده‌بژێردرێت.
له‌دوای ئه‌مه‌ عادل موراد ده‌گه‌ڕێته‌وه‌ به‌غدادو تا ساڵی 1974 و به‌ر له‌ ده‌سپێكردنه‌وه‌ی شه‌ڕ له‌ نێوان كوردو رژێمیدا، به‌غدا به‌جێ ده‌ھێڵیت.
دواترو له‌ پاش ھه‌ره‌س ھێنانی شۆڕشی ئه‌یلول له‌ ساڵی 1975 ئاواره‌ی ئێران ده‌بێت و ھه‌ر له‌و ساڵه‌شدا ئێران به‌جێده‌ھێڵیت و روو ده‌كاته‌ وڵاتی سوریا.
كاتێك ده‌چێته‌ سوریا، له‌وێ له‌گه‌ڵ مام جه‌لال په‌یوه‌ندی دروست ده‌كات و به‌شدار ده‌بێت له‌ دامه‌زراندنی یه‌كێتیی نیشتمانیی كوردستان.
دوا به‌دوای دامه‌زراندنی یه‌كێتی، لێپرسراوێتی رێكخستنی نێو وڵاتی ده‌كه‌وێته‌ ئه‌ستۆ و دواتریش بۆ دروستكردنی رێكخستن له‌ ئه‌وروپا، ده‌چێته‌ ئه‌وروپا و توانی بناغه‌یه‌ك بۆ رێكخستنی یه‌كێتی له‌ چه‌ند وڵاتێكی ئه‌وروپی دابنێت.

2.jpg



پاش گه‌ڕانه‌وه‌ی بۆ سوریا، له‌گه‌ڵ ئه‌ندامانی دیكه‌ی ده‌سته‌ی دامه‌زرێنه‌ردا سه‌رقاڵی دابینكردنی پێویستیه‌كانی ده‌ستپێكردنه‌وه‌ی خه‌باتی چه‌كداری ده‌بێت له‌ كوردستان و له‌م رووه‌وه‌ لێپرسراوی ئه‌ركه‌ لۆجستیه‌كان و ناردنی مه‌فره‌زه‌ سه‌ره‌تاییه‌كانی بۆ ناو وڵات ده‌كه‌وێته‌ ئه‌ستۆ...

له‌ مانگی كانوونی دووه‌می ساڵی 1979 ده‌گه‌ڕێته‌وه‌ بۆ كوردستان و له‌ ناوزه‌نگ ده‌گیرسێته‌وه‌.
به‌ڵام له‌ مانگی شوباتی ھه‌مان ساڵدا، له‌به‌ر ھه‌ندێك ھۆكاری سیاسی واز له‌ یه‌كێتی ده‌ھێنێت و ده‌گه‌ڕێته‌وه‌ بۆ سوریا، پاشان له‌ رۆژنامه‌ی سه‌فیر وه‌ك رۆژنامه‌نووس ده‌ست به‌كار ده‌بێت.

3.jpg



له‌ ساڵی 1981 په‌یوه‌ندی به‌ حزبی سۆسیالیستی كوردستان ده‌كات و له‌ كۆنگره‌ی یه‌كه‌می ئه‌و حزبه‌دا كه‌ له‌ مانگی ئایاردا به‌سترا، به‌ ئه‌ندامی كۆمیته‌ی سه‌ركردایه‌تی ھه‌ڵده‌بژێردرێت.

4.jpg



پاشان و له‌ ساڵی 1994 په‌یوه‌ندی به‌ ریزه‌كانی یه‌كێتیی نیشتمانیی كوردستانه‌وه‌ ده‌كاته‌وه‌و پله‌ی ئه‌ندامی كۆمیته‌ی سه‌ركردایه‌تی پێده‌درێت.
دواتر له‌ شاری ھه‌ولێر لێپرسراوێتی مه‌كته‌بی ناوه‌ندنی راگه‌یاندی یه‌كێتی پێ ده‌سپێردرێت و تا ساڵی 2000 به‌رده‌وام ده‌بێت.

7.jpg


ھه‌ر له‌ ھه‌مان ساڵدا وه‌ك لێپرسراوی په‌یوه‌ندییه‌كانی یه‌كێتی له‌ سوریا دیاریده‌كرێت..
له‌ كانوونی دووه‌می ساڵی 2003دا ده‌گه‌ڕێته‌وه‌ بۆ كوردستان و به‌شدار ده‌بێت له‌و ھه‌وڵانه‌ی كه‌ بۆ رژێمی به‌عس له‌ ئارادا بوون.
له‌گه‌ڵ رووخانی رژێمی به‌عس له‌ ساڵی 2003دا ده‌چێته‌ به‌غداو ئه‌ركی په‌یوه‌ندی و دیپلۆماتكارانه‌ ده‌گرێته‌ ئه‌ستۆو ماوه‌یه‌كیش له‌ ئه‌نجوومه‌نی حوكم  نوێنه‌ری سه‌رۆك مام جه‌لال ده‌بێت.

8.jpg


ساڵی 2004 ده‌بێته‌ باڵیۆزی عیراق له‌ رۆمانیا
له‌ دوای ئه‌وه‌ی له‌ ساڵی 2010 له‌ كۆنگره‌ی سێیه‌می یه‌كێتیی نیشتمانیی كوردستاندا خۆی بۆ كۆمیه‌تی سه‌ركردایه‌تی ھه‌ڵنابژێرێت. له‌ ساڵی 2012دا لێپرسراوێتی ئه‌نجومه‌نی ناوه‌ندی یه‌كێتیی پێده‌درێت. كه‌ ئه‌مه‌ دوایین وێستگه‌ی كاری سیاسی به‌گشتی و به‌تایبه‌تیش له‌ ناو یه‌كێتیی نیشتمانیی كوردستان ده‌بێت.

 

12.jpg


PUKmedia ئا/ دیار ستار

PUKmedia تایبه‌ت

وێنە هەواڵ
  • image04
  • .

  • image04
  • .

  • image04
  • تێکۆشەرانی دێرین ھەموو ئەو ھەڤاڵە خەباتگێڕانەن کە لە رەوتی خەباتی دەیان ساڵەی یەکێتی و شۆڕشی نوێدا رۆڵیان لەسەرخستنی ئەم کاروانە چل و پێنج ساڵیەدا گێڕاوە.

  • image04
  • .

  • image04
  • .

  • image04
  • .

  • image04
  • چوارتا.. رەشەبا دەیان درەختی لەڕەگ دەرهێنا

  • image04
  • .


                                           

پێشمه‌رگه‌ دێرینه‌كانی هه‌نده‌ران یادی دامه‌زراندنی یه‌كێتی پیرۆز ده‌كه‌ن


له‌ڕێگه‌ی سكایپه‌وه‌ به‌ سه‌رپه‌رشتی سه‌عدی پیره‌ لێپرسراوی مه‌كته‌بی ناوه‌نده‌كانی ده‌ره‌وه‌ی وڵات و مه&zw...


  کەنەدا.. تەرمی ئاران بە خاك دەسپێردرێت
  فینلاند..ناوەندی یەکێتیی کۆدەبێتەوە
                                           

ئه‌سه‌سه‌رد: ده‌بێت پێداچوونه‌وه‌ به‌ په‌یوه‌ندییه‌كانمان له‌گه‌ڵ پارتی بكه‌ین


سكرتێری ئه‌نجومه‌نی سه‌ركردایه‌تی یه‌كێتیی نیشتمانیی كوردستان ڕایده‌گه‌یه‌نێت: ئێستا پارتی بۆته‌ دوو باڵ و ئه&zwn...


  %63ی شه‌هیدانی كوردستان له سنووری سلێمانییه‌
  44 ساڵ لەمەوبەر کتێبخانەیەک سلێمانی روناککردەوە
                                           

دیدگای سیاسی و ئابووری یەكێتی لە دیدی ئەندامانی سەركردایەتییەوە

دیدگای یەكێتیی نیشتمانیی كوردستان لەڕووی سیاسییەوە جیاناكرێتەوە لە دیدگای یەكێتی لەڕووی ئابورییەوە، بۆیە پێویستە لە پڕۆژەی یەكێتی لە ئەنجومەنی نوێنەران و پەرلەمانی كورد...


  دۆست و دوژمن حساب بۆ رۆڵی یەكێتی دەكەن
  45 ساڵه‌ یه‌كێتی خوێن ده‌به‌خشێت


کاریکاتێر