مه‌لا به‌ختیار: گۆڕانكارییه‌كانی سه‌رده‌م له‌سه‌ر هیچ كه‌سێك ناوه‌ستن

مه‌لا به‌ختیار: گۆڕانكارییه‌كانی سه‌رده‌م له‌سه‌ر هیچ كه‌سێك ناوه‌ستن


15/5/2019 21:22:00
چاپ کردن
بە وێنەوە    بە بێ وێنە
           
.

مه‌لا به‌ختیار: جاران حزب گۆڕانكاری دروستده‌كرد، به‌ڵام ئێستا گۆڕانكارییه‌كان حزبه‌كان ده‌گۆڕن!
مه‌لا به‌ختیار، لێپرسراوی ده‌سته‌ی كارگێڕی، ئێواره‌ی ئه‌مڕۆ 15-5-2019، پێشوازی له‌ستافی رێكخراوی بێناز بۆ خزمه‌تكردنی كه‌سوكاری شه‌هیدان كردو له‌دیدارێكیشدا، پاشئه‌وه‌ی ستافی رێكخراوه‌كه‌، ئاماژه‌یان به‌و كارو چالاكییانه‌ش كرد، كه‌ پێشكه‌ش به‌كه‌سوكاری شه‌هیدانیان كردووه‌، لێپرسراوی ده‌سته‌ی كارگێڕی له‌به‌رامبه‌ر ئه‌و كارو چالاكیانه‌دا ده‌ستخۆشی ئاراسته‌كردن‌و ئاماژه‌شی بۆ ئه‌وه‌كرد، له‌گه‌ڵ هه‌رچی خزمه‌تكردنی زیاتره‌ به‌ كه‌سوكار‌و نه‌وه‌ی شه‌هیده‌ سه‌ربه‌رزه‌كانمان، پێویستیشه‌ خولی په‌روه‌رده‌یی هزریی بكه‌نه‌وه‌و هه‌روه‌ك خوله‌كانی خوێندن‌و فێركردن، گرنگی به‌ بواره‌كانی فكر، فه‌لسه‌فه‌، تێگه‌یشتنی كۆمه‌ڵایه‌تی نوێ‌‌و سیاسیش بده‌ن‌و له‌و چوارچێوه‌یه‌شدا ته‌ئكیدی له‌پشتیوانییه‌كانی كرده‌وه‌‌و وتیشی: هه‌وڵبده‌ن له‌گه‌ڵ فێركردنی به‌شداربووه‌كانیشتاندا، ببنه‌ ناوه‌ندێكیش بۆ په‌ره‌پێدانی كه‌لتور، رۆشنبیری، تێگه‌یشتنی نوێ‌‌و په‌روه‌رده‌كردنی رووناكبیری به‌شداربووه‌كانتان، كه‌ ئه‌مه‌ش ده‌بێته‌ یارمه‌تیده‌رو بنه‌مایه‌ك له‌لای به‌شداربوه‌كانتان بۆ پێشكه‌وتن‌و تێگه‌یشتنی نوێ‌. چونكه‌ به‌بێ‌ پێشكه‌وتنی فكر، سیاسی‌و كۆمه‌ڵایه‌تی ناتوانی ده‌سته‌به‌ری به‌رده‌وامی گۆڕانكاری كۆمه‌ڵایه‌تی بكه‌ن‌و ناشتوانن ده‌سته‌به‌ری كه‌مكردنه‌وه‌ی كێشه‌كانی كۆمه‌ڵایه‌تیش بكه‌ن، كه‌ هه‌ریه‌ك له‌و كێشانه‌ش، به‌جۆرێك بوونه‌ كۆسپ‌و له‌مپه‌ر له‌به‌رده‌م مافه‌كان، سه‌ربه‌ستی ژن، بونیادنانی كۆمه‌ڵی مه‌ده‌نی، پاشه‌كشه‌ پێكردنی عه‌قڵی باوكسالاری. چونكه‌ سه‌رچاوه‌ی هه‌موو ئه‌و كێشانه‌ هه‌تا تاوانی توندوتیژی به‌رامبه‌ر به‌ژن‌و كوشتنیشیان، ده‌گه‌ڕێته‌وه‌ بۆ دواكه‌وتن‌و تێنه‌گه‌یشتن.

مه‌لا به‌ختیار، جه‌ختیشیكرده‌وه‌: ئه‌ركی ئێوه‌و هه‌موو رێكخراوه‌كانی ئێنجی ئۆ ئه‌وه‌یه‌، ئاستی تێگه‌یشتن ورده‌ ورده‌ به‌رز بكه‌نه‌وه‌ بۆ ئاستی تێنه‌گه‌یشتن‌و وتی:
به‌شێك له‌په‌یام‌و ستراتیجی ئێوه‌ی رێكخراوه‌كانیش، بونیادنانی كۆمه‌ڵی مه‌ده‌نی‌و سه‌ربه‌ستی مرۆڤه‌. چونكه‌ رێكخراو ئه‌گه‌ر ئه‌م په‌یامه‌ی لێده‌ربكه‌یت، ئه‌وا به‌ها رێكخراوییه‌كه‌یی‌و دیموكراسییه‌كه‌ی نامێنێت. كه‌ بونیادنانی مه‌ده‌نییه‌ت‌و مافی مه‌ده‌نی تاك‌و كۆی كۆمه‌ڵ‌و ئازادیی‌و سه‌ربه‌ستییه‌كانه‌.

له‌به‌شێكی تری دیداره‌كه‌یدا، لێپرسراوی ده‌سته‌ی كارگێڕی، گۆڕانكارییه‌ خێراكانی سه‌رده‌می شۆڕشی زانیاریی‌و ته‌كنیك‌و ته‌كنه‌لۆجیا‌و كاریگه‌رییه‌كانی له‌سه‌ر كۆمه‌ڵ رونكرده‌وه‌و تیایدا له‌باره‌ی گۆڕانی تاك‌و كۆی كۆمه‌ڵیشه‌وه‌ تێڕوانینه‌كانی خسته‌ڕوو، كه‌ گۆڕانكارییه‌كانی سه‌رده‌م له‌سه‌ر هیچ كه‌سێك ناوه‌ستن‌و  تیایدا ته‌ئكیدی كرده‌وه‌: جاران حزب گۆڕانكاری دروستده‌كرد، به‌ڵام ئێستا گۆڕانكارییه‌كان حزبه‌كان ده‌گۆڕن‌و ئه‌مه‌ش جیاوازییه‌كانی ئه‌م سه‌رده‌مه‌یه‌. هه‌روه‌كو چۆن له‌سه‌رده‌می شاخدا، ئێمه‌ گۆڕانكارییه‌كانمان دروستده‌كرد، به‌ڵام ئێستا گۆڕانكارییه‌كان ئێمه‌ ده‌گۆڕن!و وتیشی: ئه‌گه‌ر له‌كاریگه‌رییه‌كانی گۆڕانكارییه‌كان تێنه‌گه‌ین، كه‌ ئه‌و هێزه‌ نین وه‌كو جاران ده‌یگۆڕین، به‌ڵكو ئه‌و هێزه‌ین كه‌ ده‌بێ‌ خۆشمان وه‌كو هه‌موو دیارده‌و رووداوه‌ گه‌وره‌كانی ده‌وروبه‌رمان، گۆڕانكاری گه‌وره‌ به‌سه‌رخۆماندا بهێنین‌و رایگه‌یاند: هێزی سیاسی ده‌بێ‌ وابكات كه‌ وتاری سیاسی‌و ده‌سه‌ڵاته‌كانی له‌گه‌ڵ ئه‌م سه‌رده‌مه‌دا بگونجێ‌، كه‌ ئه‌مه‌ش ئه‌ركه‌ هاوچه‌رخه‌كه‌ی كوردایه‌تییه‌‌و ئه‌گه‌ر تێیبگه‌ن كارێكی باش ده‌كه‌ن‌و ئه‌گه‌ر هه‌ر حزبێكیش تێی نه‌گات، ئه‌وا به‌بێگومان چاره‌نوسی له‌چاره‌نوسی ئه‌و حزبانه‌ باشتر نابێ‌، كه‌ له‌مێژوودا تێكشكاون.

 PUKmedia

وێنە هەواڵ
  • image04
  • داڤۆس.. كۆبوونەوەی سەرۆك كۆمار لەگەڵ ئەمینداری ناتۆ

  • image04
  • وەفدی باڵای یەكێتی و یەكگرتوو لەكۆبوونەوەدا

  • image04
  • رۆژنامەنووسانی PUKmedia یادی 17 ساڵەی دامەزراندنی سایتەكەیان كردەوە

  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی


                                           

دانیمارك... سەردانی باڵیۆزخانەی عیراق


ڕۆژی سێشەممە  ( ٢٠٢٠-١-٢١ ) وەفدێكی کۆمەڵە و ڕێکخراوە جۆراو جۆرەکانی دانیمارك بە نوێنەرایەتی ڕەوەندی عیراقی کە لە چوارچێوەی یەکێتیەکەدا کار دەکەن بە مەبەستی پیرۆزبایی و دەست بەکاربوو...


  دانیمارك..كۆنگرەی ئەنجومەنی ژنان بەڕێوەچوو
  كەنەدا.. سیمینارێك دەربارەی خۆپیشاندانەكانی عیراق بەڕێوەدەچێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

PUKmedia سەرمەشقی رۆژنامەگەری ئەلیكترۆنی كوردی

رۆژی 22-1-2020 سایتی پیوكەی میدیا لە كاروانی رۆژنامەگەریی خۆیدا پێدەنێتە 17 ساڵەی تەمەنییەوە.

پیوكەی میدیا وەكو یەكەم سایتی زمانحاڵ...


  عەرەب هەڵۆکانی کوردستان راودەکەن
  دهۆک 24 حاڵەتی ئەنفلۆنزای بەرازی تۆمارکردوە


کاریکاتێر