ڕوداوێكی هاتوچۆ دو برینداری لێده‌كه‌وێته‌وه‌

.

له‌سه‌ر ڕێگای كه‌لار - خانه‌قین نزیك گوندی "تۆپ عه‌سكر" به‌هۆی ڕوداوێكی هاتوچۆوه‌ دوكه‌س برینداربون

راگه‌یاندنی هاتوچۆی گه‌رمیان له‌راگه‌یه‌ندراوێكدا، ئاشكرایكردوه‌:" پاش نیوه‌ڕۆی ئه‌مڕۆ (چوارشه‌مه‌) به‌هۆی پێكدادانی مینی پاسێك و تراكتۆرێك له‌سه‌ر ڕێگای كه‌لار، خانه‌قین دوكه‌س بریندار بوون". 

رونیشكراوه‌ته‌وه‌:" ئه‌و دوكه‌سه‌ به‌تراكتۆره‌كه‌ خه‌ریكی كاركردن بون، مینی پاسه‌كه‌ش له‌خانقینه‌وه‌ به‌ئاراسته‌ی كه‌لارهاتوه‌ و له‌نزیك گوندی "تۆپ عه‌سكه‌ر" ئه‌و ڕوداوه‌ دروست بوه‌".

ئاماژه‌ به‌وه‌شدراوه‌:" پاش گه‌یاندنی برینداره‌كان به‌نه‌خۆشخانه‌ی فریاكه‌وتنی شه‌هید هه‌ژار له‌كه‌لار، به‌هۆی سه‌ختی برینه‌كه‌یه‌وه‌ یه‌كێك له‌برینداره‌كان ڕه‌وانه‌ی نه‌خۆشخانه‌ی سلێمانی كرا".

PUKmedia راگه‌یاندنی هاتوچۆی گه‌رمیان