فراکسیۆنی یەکێتی چارەسەری کێشەکانی گوندی پەڵکانە دەکات

فراکسیۆنی یەکێتی چارەسەری کێشەکانی گوندی پەڵکانە دەکات


15/5/2019 17:35:00
چاپ کردن
بە وێنەوە    بە بێ وێنە
           
.

وەفدێکی فراکسیۆنی یەکێتی لە ئەنجومەنی نوێنەرانی عێراق سەردانی ناوچەی سەرگەڕانی سەر بە کەرکوکیان کرد کە بەھۆی ھاتنی ژمارەیەک خێزانی عەرەب بۆ ناوچەکە ناکۆکی ھاتووەتە ئاراوەو هەوڵ بۆ چارەسەرکردنی کێشەکانی ئەو ناوچەیە دەدرێت.

ژمارەیەک لە خێزانە عەرەبە ھاوردەکان دەیانەوێت بچنە گوندی پەڵکانەی سەر بە سنووری ناحیەی سەرگەڕان لە کەرکوک، ئەوەش گرژی و ئالۆزیی لەنێوان دانیشتووانی گوندەکە و ئەو خێزانە عەرەبانەدا ھێناوەتە ئاراوە.

بۆ چارەسەرکردنی ئەو کێشانە وەفدێکی فراکسیۆنی یەکێتی لە پەرلەمانی عیراق سەردانی ناوچەکەیان کرد و لەو بارەیەشەوە رێبوار تەها ئەندامی ئەنجومەنی نوێنەرانی عیراق لە پەڕەی تایبەتی خۆی لە تۆڕی کۆمەڵایەتی فەیسبووک رایگەیاند: پاشئەوەی دوێنێ پێشێلکارییەکانی گوندی پەڵکانەی سەر بەناحیەی سەرگەڕان ـ مان ڕاگرت ، سەرلەبەیانی ئەمڕۆ گەیشتینە ناحیەی سەرگەڕان و لەگەڵ بەڕێوەبەری ناحیە و کۆمەڵێک لەکەسایەتی ونوێنەرانی گوندی پەڵکانە کۆبووینەوە و جەختمان لە سەر جێبەجێکردنی ئەم خاڵانەی لای خوارەوە کردەوە لەپێناو چارەسەر بۆ کێشەی زەوی و زارەکان:

۱. جێبەجێکردنی بڕیاری ژمارە 29ی ساڵی 2012 لە وەزارەتی داد.
۲. جێبەجێکردنی بڕیارەکانی ئەنجوومەنی وەزیران، کە بەپێی رێنماییەکانی ماددەی 140 دەرکراوە.
۳. هەڵوەشانەوەی بڕیارەکانی ئەنجوومەنی سەرکردایەتی شۆڕشی هەڵوەشاوە، کە پەیوەندیدارە بە تەملیککردنی زەوی و زاری کشتوکاڵ لە کەرکوک.
٤. جێبەجێکردنی یاسای ژمارە 117

ئاماژەی بەوەشکردوە، بە پێچەوانەوە چارەسەرنەکردنی ئەو کێشەیە ئەگەری دروستبوونی گرژی و ئاڵۆزی زیاتری نێوان پێکهاتەکانی لێدەکەوێتەوە و حکومەتی ئیتیحادیش بەرپرسیاری یەکەمی هەر ڕووداوێکە کە ڕووبدات.

هاوکات لیژنەی ناوچەکوردستانییەکانی دەرەوەی هەرێم لە پەرلەمانی کوردستان راگەیەندراوێکی لەو بارەیەوە بڵاو کردەوەو ئیدانەی هەڵكوتانی میلیشیا چەكدارەكان بۆ سەر خەڵكی مەدەنی گوندی پەڵكانە و چەند گوندێكی تری كوردستان و دەركردنی ماڵە كوردەكان و پڕكردنەوەی شوێنەكانیان بە عەرەبی هاوردە دەکات و ئەو کارانە بە پێچەوانەی ئەو لێك تێگەیشتنە دادەنێت كە ماوەیەكە لە نێوان هەولێر و بەغدا دروست بووە و هەوڵەكانی چارەسەرو ئاساییكردنەوەی دۆخی ئەو ناوچانە دەخاتە مەترسیەوە.


PUKmedia تایبەت

وێنە هەواڵ
  • image04
  • هونه‌رمه‌ند عه‌لی توانا كۆچی دوایی كرد

  • image04
  • له‌م شوێنه‌دا هه‌وره‌ بروسكه‌ هاووڵاتییه‌كی شارباژێڕی كوشت

  • image04
  • قوباد تاڵه‌بانی: هه‌وڵی ره‌خساندنی هه‌لی كار ده‌ده‌ین

  • image04
  • خێزانێك خۆیان بۆ خزمه‌تی هیوا ته‌رخان ده‌كه‌ن

  • image04
  • ئیمزاكردنی رێككەوتنی یەكێتی و پارتی بۆ پێكهێنانی حكومەت

  • image04
  • یه‌كه‌مین فێستیڤاڵی به‌هاره‌ له‌سلێمانی ده‌كرێته‌وه‌

  • image04
  • له‌ هه‌ولێر ئاگر له‌ كۆگایه‌كی كۆمسیۆن كه‌وته‌وه‌

  • image04
  • رۆژنامه‌نووسێك ئه‌رشیفی پارێزراوی كوردستانی نوێ ده‌گه‌ڕێنێته‌وه‌


                                           

کۆمیتەی ڕێکستنی ئەڵمانیا مەدالیای رێزلێنانی دەبەخشێتە ڕێکخستنەکانی


لەمەراسیمێکی شایستەدا بەئامادەبوونی هەڤاڵ دلێر سەیدە بەرپرسی کۆمیتەی ڕێکخستنی ئەڵمانیاو مەلا جەمال بەرپرسی لقی دەرەوەی کۆمەڵەی پێشمەرگە دێرینەکان و کارگێڕانی کۆمیتە ڕۆژی ١٩ی ئایاری ٢٠١٩ م...


  دانیمارك.. رێز له‌ رێكخستنه‌ دێرینه‌كان ده‌گیرێت
  نەرویج.. رێز لەتێكۆشەرە دێرینەكان دەگیرێت
                                           

یەكێتیی لە هەموو جومگەكانی بڕیاردان پۆستی دەبێت


لەتیف شێخ عومەر، وتەبێژی یەكێتیی نیشتیمانیی كوردستان، ڕایدەگەیەنێت، یەكێتیی دەیەوێت لە درووستكردنی بڕیاردا لە هەرێم ڕۆڵی هەبێت و دەڵێت، ״یەكێتیی لە هەموو جومگەكانی بڕیاردان پۆستی دە...


  لیوا حه‌سه‌ن نوری: تێكدانی ئارامی سلێمانی جێی قبوڵ نیه‌
  بێشكچی: یەكخستنی ناوماڵی كورد، لە ریفراندۆم‌ گرنگترە
                                           

3371 كه‌س له‌ده‌ست داعش رزگاركراون

د. دیندار زێباری: به‌ده‌یان هه‌زار خێزانی مه‌سیحی، ئێزدی، توركمان و عه‌ره‌ب له‌ناوچه‌كانی باشوور و ناوه‌راستی عیراق بۆ پاراستنی گیانی خۆیان رو...


  ساڵێك دوای هه‌ڵبژاردنی عیراق
  هەڵبژاردن لە كوردستان.. یەكەم ئەزموونی دیموكراسی


کاریکاتێر