لێكۆڵینه‌وه‌ له‌هه‌ڵبژادنی پارێزگارو جێگری پارێزگای نه‌ینه‌وا ده‌كرێت

.

ئه‌نجومه‌نی باڵای نه‌هێشتنی گه‌نده‌ڵی له‌ئه‌نجومه‌نی وه‌زیران لێكۆڵینه‌وه‌ له‌هه‌ڵبژادنی پارێزگارو جێگری پارێزگای نه‌ینه‌وا ده‌كات.

له‌و باره‌یه‌وه‌ حسێن نه‌رمو ئه‌ندامی ئه‌نجومه‌نی نوێنه‌رانی عیراق له‌فراكسیۆنی یه‌كێتی به‌ PUKmedia ی راگه‌یاند: هه‌ڵبژاردنی پارێزگارو جێگری پارێزگاری نه‌ینه‌وا هه‌روا به‌ ئاسانی به‌ڕێناكرێت و داواكاری گشتی له‌سه‌ر ئه‌و بابه‌ته‌ هاتوه‌ته‌ ده‌نگ.

وتیشی: له‌سه‌ر داوای 15 ئه‌ندامی ئه‌نجومه‌نی نه‌ینه‌وا، ئه‌نجومه‌نی باڵای نه‌هێشتنی گه‌نده‌ڵی له‌ئه‌نجومه‌نی وه‌زیران لێكۆڵینه‌وه‌ی له‌پرۆسه‌كه‌ ده‌ستپێكردوه‌.

ئه‌و ئه‌ندامه‌ی ئه‌نجومه‌ن راشیگه‌یاند: چاوه‌ڕوانده‌كرێت له‌كۆبوونه‌وه‌ی داهاتووی ئه‌نجومه‌نی نوێنه‌راندا، ئه‌ندامانی ئه‌نجومه‌ن له‌پشكی نه‌ینه‌وا ئه‌و پرسه‌ به‌خه‌نه‌ دانیشتنی په‌رله‌مانه‌وه‌و گفتوگۆی له‌باره‌وه‌ بكرێت.

PUKmedia تایبه‌ت