یه‌كێتی ئه‌وروپا پشتگیری رێككه‌وتنی ئه‌تۆمی ده‌كات

.

یه‌كێتی ئه‌وروپا پشتگیری له‌ رێككه‌وتنه‌ ئه‌تۆمییه‌كه‌ ده‌كات و داواش ده‌كات ئاڵۆزییه‌كان له‌گه‌ڵ ئێران له‌ڕێی گفتوگۆوه‌ چاره‌سه‌ر بكرێن.

فیدریكا مۆگرینی لێپرسراوی سیاسه‌تی ده‌ره‌وه‌ی یه‌كێتی ئه‌وروپا به‌ رۆژنامه‌نووسانی راگه‌یاند، یه‌كێتی ئه‌وروپا پشتگیری ته‌واوی رێككه‌وتنه‌ ئه‌تۆمییه‌كه‌ی نێوان وڵاتانی زلھێزی جیھان و ئێران ده‌كات و له‌ ھه‌مان كاتیشدا داوا ده‌كات كێشه‌و ئاڵۆزییه‌كانی نێوان تاران و واشنتۆن، له‌ڕێی دانوستانه‌وه‌ چاره‌سه‌ر بكرێن.

لێدوانه‌كه‌ی فیدریكا مۆگرینی له‌كاتێكدایه‌ كه‌ بڕیاره‌ وه‌زیرانی ده‌ره‌وه‌ی به‌ریتانیاو فه‌ڕه‌نساو ئه‌ڵمانیا له‌باره‌ی رێككه‌وتنه‌ ئه‌تۆمییه‌كه‌ی ئێران و ئاڵۆزییه‌كانی نێوان تاران و واشنتۆن، كۆببنه‌وه‌.

PUKmedia ئاژانسه‌كان