پامپيۆ: ئه‌مریكا جه‌نگی ناوێت

.

وه‌زیری ده‌ره‌وه‌ی ئه‌مریكا ره‌تیده‌كاته‌وه‌ كه‌ وڵاته‌كه‌ی جه‌نگ به‌رامبه‌ر به‌ئێران هه‌ڵبژێرێت و هاوكات هه‌ر هێرشێك بۆ سه‌ر هێزه‌كانیان له‌رۆژهه‌ڵاتی ناوه‌ڕاست بكرێت وه‌ڵامیان ده‌بێت.

مایك پامپئۆ، وه‌زیری ده‌ره‌وه‌ی ئه‌مریكا له‌چاوپێكه‌وتنێكیدا له‌گه‌ڵ كه‌ناڵی سی ئێن بی سی رایگه‌یاندوه‌:" ئێران به‌و ده‌ست تێوه‌ردانه‌ی له‌ رۆژهه‌ڵاتی ناوه‌ڕاست ئه‌نجامی ده‌دات بووه‌ته‌ مه‌ترسیه‌كی گه‌وره‌ بۆ ناوچه‌كه‌".

رونیشكردوه‌ته‌وه‌:" ئه‌مریكا به‌هه‌موو شێوه‌یه‌ك ئاماده‌یه‌ بۆ گفتوگۆ له‌گه‌ڵ ئێران".

باسی له‌وه‌شكردوه‌:" ئه‌مریكا به‌دوای جه‌نگدا ناگه‌ڕێت، به‌ڵام توانا سه‌ربازیه‌كانی له‌ناوچه‌كه‌ به‌ناردنی كه‌شتی جه‌نگی و فڕۆكه‌ی جه‌نگی زیاتر كردوه‌و هه‌ر په‌لامارێك بۆ هێزه‌كانی ئه‌مریكا له‌عیراق بێت یان ئه‌فغانستان وه‌ڵاممان ده‌بێت".

PUKmedia ئاژانسه‌كان