حه‌شدی شه‌عبی له‌خۆرئاوای موسڵ ده‌كشێته‌وه‌

.

هێزه‌كانی حه‌شدی شه‌عبی له‌خۆرئاوای موسڵ به‌درێژایی تاكو سنوری خاكی سوریا ده‌كشێنه‌وه‌و هێزه‌كانی سوپاو پۆلیسی فیدڕاڵی عیراق جێگه‌یان ده‌گرنه‌وه‌.

فه‌رمانده‌یه‌كی باڵای سه‌ربازی له‌ ئۆپراسیۆنه‌كانی موسڵ، رایگه‌یاندوه‌:" كشانه‌وه‌ی هێزه‌كانی حه‌شدی شه‌عبی له‌خۆرئاوای موسڵ له‌دره‌نگانی شه‌وی رابردووه‌وه‌ ده‌ستی پێكردوه‌".

رونیشكردوه‌ته‌وه‌:" ئه‌و كشانه‌وه‌ دوای ئه‌وه‌ دێت كه‌ ناوچه‌كه‌ به‌ته‌واوی ئارام بووه‌و دۆسیه‌ی ئه‌منی ئه‌و شوێنانه‌ش به‌هێزه‌كانی سوپای عیراق و پۆلیسی فیدڕاڵی ده‌درێت".

تاكو ئێستا هیچ لایه‌نێكی حه‌شدی شه‌عبی به‌شێوه‌یه‌كی ره‌سمی هه‌ڵوێستیان له‌سه‌ر ئه‌و هه‌واڵه‌ نه‌بووه‌.

PUKmedia ئاژانسه‌كان