riklam

هه‌ڵبژاردنه‌وه‌ی شاره‌وانی ئیستانبۆل و كێشه‌ی كورد

بیروڕا 01:08 PM - 2019-05-07
.

.

له‌ هه‌ڵبژاردنی شاره‌وانیه‌كانی توركیا ده‌رسێكی باش به‌ ئه‌ردۆگان درا، به‌ دۆڕاندنی له‌ شاره‌ گه‌وره‌كانی وه‌ك ئیستانبۆل، ئه‌نكارا، ئه‌زمیر و دیاربكر خه‌ونه‌ گه‌وره‌كه‌ی ئه‌ردۆگان هاتۆته‌ سه‌رلێواری پوچه‌ڵبونه‌وه‌، بۆیه‌ هه‌موو توانای خۆی خسته‌ گه‌ڕ تاكو هه‌ڵبژاردنه‌وه‌ له‌ ئیستانبۆل دووباره‌ بكرێته‌وه‌. دیاره‌ ئه‌ردۆگان به‌بێ پشتیوانی و پشتگیری شاری ئیستانبۆل له‌ هه‌ڵبژاردنه‌كانی داهاتووش رووبه‌ڕووی شكستێكی گه‌وره‌تر ده‌بێته‌وه‌، بۆیه‌ هه‌رچی توانای خۆی هه‌یه‌ ده‌یخاته‌گه‌ڕ تا ئه‌مجاره‌ بیباته‌وه‌ و شكسته‌كه‌شی بشارێته‌وه‌.

ئه‌ردۆگان جێده‌ستی زه‌بری كوردی بینی و ده‌زانێ ئه‌گه‌ر كورد نه‌بوایه‌ جه‌هه‌په‌ نه‌ی ده‌توانی له‌ ئه‌نكارا و ئیستانبۆل بباته‌وه‌. ئێستا ئاماژه‌كان ئه‌وه‌ ده‌رده‌خه‌ن كه‌ ئه‌ردۆگان له‌باره‌ی كێشه‌ی كورد به‌خۆیداده‌چێته‌وه‌، به‌ڵام ئایا ده‌توانێ متمانه‌ی هه‌ده‌په‌ وه‌ده‌ست بێنێ یان نا؟
زمانی ئه‌ردۆگان و حكومه‌ته‌كه‌ی نه‌رمتره‌ و رێگه‌دانی پارێزه‌ران به‌سه‌ردانیكردنی ئۆجه‌لان نیشانه‌ی سه‌ره‌تایه‌كی نوێن له‌ توركیا، به‌ڵام ئایا له‌ پێناوی سه‌رخستنی پڕۆژه‌كه‌ی چ پڕۆژه‌یه‌ك ده‌خاته‌ به‌رده‌م كورد؟  جارێ زووه‌ بۆ ئه‌و وه‌ڵامه‌، به‌ڵام واپێده‌چێ دیالۆگێكی نوێ ده‌ست پێده‌كاته‌وه‌ و له‌به‌رامبه‌ریشدا ره‌نگه‌ جه‌هه‌په‌ش بۆ چاره‌سه‌ری كێشه‌ی كورد وتاره‌كه‌ی باشتر بكا.

ئێستا هه‌ردوو لایه‌نی ده‌سه‌ڵات و ئۆپۆزیسیۆن ئه‌وپه‌ڕی پێویستیان به‌ هه‌ده‌په‌ هه‌یه‌ و هه‌ده‌په‌ش له‌ رابردوودا یارییه‌كی سه‌ركه‌وتووی كرد و چاوه‌ڕوانی سه‌ركه‌وتنی تریشی لێ ده‌كرێت.


ئارێز عه‌بدوڵڵا


PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket