مەلا بەختیار:بەدیلی یەكێتی لەكوردستان نابینم

مەلا بەختیار:بەدیلی یەكێتی لەكوردستان نابینم


4/5/2019 21:33:00
چاپ کردن
بە وێنەوە    بە بێ وێنە
           
.

مەلا بەختیار لێپرسراوی دەستەی كارگێڕی، پێشنیوەڕۆی ئەمڕۆ 4/5/201 پێشوازی لەژمارەیەك هەڤاڵ‌و كادرو چالاكوانی رێكخراوەیی لەدەڤەری پشدەر كرد‌و لەبارەی راپەڕاندنی ئەركەكانی هەڤاڵ‌و كادری یەكێتیشەوە، بەپێویستیزانی وردی جێبەجێكردنی ئەرك‌و لێپرسراوێتییەكان بن‌و ئاماژەی بۆ ئەوەكرد: سەرەڕای هەر بارودۆخێك لەكوردستان، بەڵام هێشتا بەدیلی یەكێتی لەكوردستان نابینم! بەدیلی یەكێتیی نە بەمێژوو، نە بەقوربانی، نە بە ستراتیج‌و نە بەئایدۆلۆجییەت نابینم! چونكە وەكو حزب، وەكو شكۆی مێژوویی، ستراتیجی، كۆمەڵایەتی، وەكو خەبات‌و قوربانی بەخشین، یەكێتی نیشتمانیی، یەكێكە لەهەرە حزب‌و هێزە باشەكان‌و پێشەنگێگە لەهەرە پێشەنگە باشەكان‌و ناكرێ‌ ئەم حەقیقەتە لەبیربەرینەوە، هەروەك بەپێچەوانەشەوە نابێ‌ ئەو حەقیقەتە وابكات چاو لەكەموكوڕییەكان بپۆشین! چونكە هیچ كاتێك باشییە مێژووییەكان پاساو نییەو بۆ باشی هەتا هەتایی، بەڵكو بۆ ئەوەیە هەتا دەتوانین دوا ئامانجەكان بەدیدەهێنین، كە ئامانجی دیموكراسی، ئازادی، مەدەنی‌و دادپەوەرییە‌و دەبێ‌ یەكێتیش، یەكێتی، هەموو قۆناغەكان ‌و راپەڕاندنی هەموو ئەركەكان‌و، یەكێتی، پێگەیاندنی هەموو نەوەكان بێ‌. نەك یەكێتیەكی قارەمان لەمێژوودا‌و بەجێماوی رووداوەكانی سەردەم بێ‌. 

لەچوارچێوەی گفتوگۆی دیدارەكەشی لەگەڵ هەڤاڵان‌و كادران‌و چالاكوانەكانی رێكخراوەیی، كە تیایدا بارودۆخ ‌و دوا پەرەسەندنەكانی رووداوەكانی ناوچەكەی، بەلێكدانەوەی رەهەندەكانی رووداوەكان شرۆڤە كرد‌و وتی: هەڤاڵان هیواموایە بەدیقەتەوە سەیری رووداوەكان بكەن، بەتایبەت كە ئێستا ناونیشانی گەورەی ناڕەزایی، راپەڕین‌و خۆپیشاندانی خەڵك، دژایەتیكردنی گەندەڵییە‌و رایگەیاند: لەئێستاوە بۆ ساڵی (2025) ئامانجی ستراتیجی گەلانی ناوچەكە، كۆمەڵەكان‌و چینەكانی ناوچەكە، بەتایبەتی كرێكاران‌و زەحمەتكێشانی ناوچەكە، ئامانجی سەرەكی هەموو سۆسیال دیموكراتەكان، چەپەكان، دیموكراتە راستەقینەكان، دەبێ‌ بەدادپەروەری. 

وتیشی: قۆناغەكانی رابردوو، خەباتی رزگاری بوو، خەباتی نیشتمانی‌و دژایەتی ئیستیعمار بوو، هەروەها لەم وڵاتانە بۆ پەنجا ساڵیش دەچێت قسە لەدیموكراسی دەكرێت‌و سیستەمی دیموكراسی بونیاد دەنرێت، یاسا سەروەربێ‌، ئەمەش لەو وڵاتانەی پێیاندەوترێت رۆژهەڵاتی ناوەڕاست، بەڵام لەمەوبەدواوە مادام گەندەڵی بووە بەناونیشانی سەرەكی هاندانی خەڵك، بۆ ناڕەزایی، بۆ راپەڕین‌و خۆپیشاندان، ئیتر ئەم قۆناغە، قۆناغی دژایەتی‌و ریشەكێشكردنی گەندەڵی دەبێت‌و كاتێكیش سەركەوتن بەدیدەهێنێت، ئامانجی زۆرینەی زۆری خەڵك، دادپەروەری دەبێت.

لەكۆتایی دیدارەكەشیدا، رۆشنگەریی‌و هۆشیاركردنەوەی، بە ئامانج بۆ دامەزراندنی دابڕان ناوبردو، وتی: ئەگەر هۆشیاری نەبێ‌، دادپەروەری نابێ‌. دژایەتی نادادپەروەری بونی نابێ‌، دیموكراسی گەشە ناكات. كۆمەڵی مەدەنی، ئازادیی‌و سەربەستیش نایاتەدی‌و خەڵكیش ئامادەیە چاو لەهەمو كەموكوڕییەكان بپۆشێت. 

جەختیشیكردەوە: هۆشیاری تەنها خوێندنەوەی چوار كتێب نییە! بەڵكو هۆشیاری لەسەر بنچینەی فەلسەفە‌و فەلسەفەی سەردەمی ئێستاش رۆشنگەرییە، كە رۆشنگەریی‌و دیموكراسی‌و بەپێچەوانەشەوە لەژیان‌و مێژوودا، لەدووسەد ساڵی رابردو‌ودا رۆشنگەریی‌و دیموكراسی پێكەوە هەڵیانكردووە‌و جمكی یەكترن‌و وتی: زەمینەی سەركەوتنی دیموكراسی، بەرۆشنگەری دەستیپێكردووە. بەڵام كە دیموكراسی هاتۆتە سەر حوكم، رۆشنگەری بە بەردەوامی رای گشتی پەروەردە كردووە، بۆ ئەوەی دەسەڵات نەتوانێ‌ لەدیموكراسی هەڵبگەڕێتەوە. چونكە هۆشیاری رۆشنگەری كۆمەڵایەتی، گەورەترین بەربەستی مێژوییە لەبەردەم هەڵگەڕانەوەی دەسەڵاتە دیموكراسییەكان‌و لادان بۆ دیكتاتۆری‌و وتیشی: باوەڕموایە ئێستا رۆشنگەری‌و هۆشیاری، بەربەستە لەبەردەم گەندەڵیدا.

PUKmedia  تایبەت 

وێنە هەواڵ
  • image04
  • 14 ساڵ به‌سه‌ر كردنه‌وه‌ی فڕۆكه‌خانه‌ی سلێمانیدا تێده‌په‌ڕێت

  • image04
  • شێرێكی عیراقی مافی په‌نابه‌ری له‌هۆڵه‌ندا وه‌رده‌گرێت

  • image04
  • 21ساڵ به‌سه‌ر په‌یماننامه‌ی ڕۆمادا تێده‌په‌ڕێت

  • image04
  • وه‌فده‌ باڵاكه‌ی هه‌رێم گه‌یشته‌ به‌غدا

  • image04
  • یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم

  • image04
  • نیویۆرك چه‌ند سه‌عاتێكی به‌بێ كاره‌با به‌ڕێكرد

  • image04
  • هەولێر...كۆگایەك گڕدەگرێت

  • image04
  • قەزای سۆران.. لەڕووداوێكی هاتووچۆدا دوو برا گیانیان لەدەستدا


                                           

كۆمیته‌ی ئوسترالیا سه‌ردانی كونسوڵخانه‌ی عیراق ده‌كات


له‌سه‌ر داوای ره‌سمی باسم داود كونسوڵی گشتی كۆماری عیراقی فیدراڵ، ئه‌مڕۆ 18-7-2019، كۆمیته‌ی ڕێكخستنی (ی. ن. ك) له‌ ئوسترالیا ، ...


  ڕێكخراوی چه‌پك به‌شداری هه‌فته‌ی كه‌لتوری برۆكسلی كرد
  بەوێنە.. مەراسیمی ماڵئاوایكردن لەتەرمی هینرێتا پیرە
                                           

ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت


ئۆزگور محه‌مه‌د ئۆغڵو: پارێزگای ئامه‌د له‌بواری گه‌شتوگوزار پێشكه‌وتنێكی به‌رچاوی به‌خۆیه‌وه‌ بینیوه‌و ساڵانه‌ش (3) ملیۆن و (50...


   سزای ته‌مه‌لی: پیلان هه‌یه‌ بۆ سڕینه‌وه‌ی كورد
  یەكێتیی لە هەموو جومگەكانی بڕیاردان پۆستی دەبێت
                                           

دووه‌م گه‌شتم بۆ وڵاتی چین

ماوه‌ی 12 ساڵه‌ له‌ هه‌موو بواره‌كاندا : سیاسی، ئابووری، ته‌كنه‌لۆژی ، فه‌رهه‌نگی ، كۆمه‌ڵایه‌تیی. به&z...


  فڕۆكه‌خانه‌ی سلێمانی.. فڕین به‌سه‌ر ئاسمان و ناوبانگدا
  چۆنێتی جیاكردنه‌وه‌ی ماستی ساخته‌ و ماستی سروشتی


کاریکاتێر