وێنه‌.. مه‌راسیمی ڕێزلێنان له‌ د. شاهین فه‌رهه‌نگ

.

مرۆڤ چه‌ند بزانێ، هێشتا نازانێ.. هه‌ڵبژاردنی د.شاهین فه‌رهه‌نگ به‌سوپاسه‌وه‌،  شاری سلێمانی وه‌ك پایته‌ختی ڕۆشنبیری و ڕووناكبیری كوردستان بۆ گه‌یاندنی زانیاره‌ به‌سوده‌كانی له‌بواری زانسته‌ مرۆییه‌كاندا، به‌تایبه‌ت بۆ كادیران و ڕێكخستنه‌كانی یه‌كێتی واتاو مه‌غزای گرنگ له‌خۆده‌گرێت .

ئه‌و وتانه‌ی حاكم قادرحه‌مه‌جان ئه‌ندامی ده‌سته‌ی كارگێڕی مه‌كته‌بی سیاسی و لێپرسراوی مه‌ڵبه‌ندی ڕێكخستنی سلێمانی یه‌كێتیی نیشتمانیی كوردستان، له‌ مه‌راسیمی خه‌ڵاتكردنی د. شاهین فه‌رهه‌نگ، هات له‌پای ئه‌رك و ماندوبوونی له‌ به‌ڕێوبردن و سازدانی ژماره‌یه‌ك خولی زانستی مرۆیی كه‌له‌ چه‌ند ڕۆژی ڕابردوودا و له‌ڕێی چه‌ند خولێك بۆ باسكردن و پێناسه‌ی ئامانج كه‌جیاوازه‌ له‌حه‌زو ئاره‌زوو هه‌روه‌ك پلانی ئامانج و گه‌یشتن به‌و مه‌به‌سته‌ خرایه‌ڕوو، كه‌ به‌هاوبه‌شی هه‌ردوو به‌شی ڕووناكبیری مه‌ڵبه‌ندی ڕێكخستنی سلێمانی و په‌یمانگای پێشه‌نگ، بۆ كادیران و به‌شێك له‌ڕێكخستنه‌كانی سنووری مه‌ڵبه‌ندی ڕێكستنی سلێمانی سازی كردبوو .

د. شاهین پسپۆر له‌بواری داهێنان و ده‌رونناسی وپه‌روه‌رده‌، خاوه‌ن چه‌ندین بڕوانامه‌یه‌و له‌به‌رامبه‌ردا حاكم قادر خه‌ڵاتی ڕێزلێنانی پێبه‌خشی.

PUKmedia