خاتوو شاناز پشتیوانی له‌ داوای كادران ده‌كات

.

ئه‌مڕۆ سێشه‌ممه‌ 30-4-2019 خاتوو شاناز برایم ئه‌حمه‌د، له‌شاری سلێمانی و له‌ دوو دیداری جیادا پێشوازیكرد له‌ ژماره‌یه‌ك له‌ ئه‌ندامانی ئه‌نجومه‌نی هه‌ردوو كۆمیته‌ی رێكخستنی ماكۆكی سه‌ر به‌ مه‌ڵبه‌ندی 24 ی ڕێكخستنی ڕاپه‌ڕین و كۆمیته‌ی ماوه‌تی سه‌ر به‌ مه‌ڵبه‌ندی 1 ڕێكخستنی سلێمانی یه‌كێتیی نیشتمانیی كوردستان.

 له‌ دیداره‌كاندا، بارودۆخی‌ ئێستای كوردستان و یه‌كێتیی نیشتمانیی كوردستان و گوزه‌رانی كادرانی یه‌كێتی له‌ هه‌ردوو سنور له‌گشت رووه‌كانه‌وه‌ گفتوگۆی له‌سه‌ركرا، هاوكات تیشك خرایه‌سه‌ر  چاره‌سه‌ر و ڕێگا چاره‌كان بۆ باشتركردنی دۆخی ناوخۆی یه‌كێتیی نیشتمانیی كوردستان.

 هه‌ڤاڵان و ئه‌ندامانی ئه‌نجومه‌نی هه‌ردوو كۆمیته‌، له‌گه‌ڵ خستنه‌ڕووی پوخته‌یه‌ك له‌ كار و چالاكیه‌كانیان، پێشنیاز و سه‌رنج و ڕه‌خنه‌كانیشیان بۆباشتر ئه‌نجامدانی كاره‌كانیان و خزمه‌تكردنی زیاتری كادران باسكرد و  دڵسۆزی خۆشیان بۆ درێژه‌دان به‌ڕێبازه‌كه‌ی مام دووپاتكرده‌وه‌.

 له‌به‌رامبه‌ردا، خاتوو شاناز برایم ئه‌حمه‌د وێڕای پشتیوانی ده‌ربڕین بۆ جێبه‌جێكردنی داواكارییه‌كانیان و باشتركردنی گوزه‌رانی كادرانی یه‌كێتی به‌گشتی، دڵسۆزی و رۆڵ و كاره‌كانی هه‌ڤاڵانی هه‌ردوو كۆمیته‌ی به‌رزنرخاند.

 له‌به‌شێكی دیكه‌ی قسه‌كانیدا، خاتوو شاناز برایم ئه‌حمه‌د تێڕوانینی خۆی بۆ  دۆخی ئێستای یه‌كێتیی نیشتمانیی كوردستان و چۆنیه‌تی هه‌نگاونان و زه‌مینه‌سازی له‌پێناو ئه‌نجامدانی چاكسازی و نوێبوونه‌وه‌ له‌ناو یه‌كێتیدا باسكرد.

PUKmedia نووسینگه‌ی رۆژنامه‌وانی خاتوو شاناز