توركیا ده‌یه‌وێت كڕینی نه‌وتی عیراق زیاتر بكات

.

توركیا به‌ھۆی سزاكانی ئه‌مریكاوه‌ ده‌یه‌وێت ده‌ستبه‌رداری نه‌وتی ئێران ببێت و نه‌وتی عیراق بكڕێت.

ئه‌مڕۆ 30-4-2019، ئاژانسی بلومبێرگ له‌زاری سه‌رچاوه‌یه‌كه‌وه‌ بڵاویكردوه‌ته‌وه‌، دوای سزا سه‌پێنراوه‌كانی ئه‌مریكا به‌سه‌ر كه‌رتی نه‌وتی ئێراندا توركیا به‌دوای رێگه‌یه‌كدا ده‌گه‌ڕێت بۆ ئه‌وه‌ی  ده‌ستبه‌رداری نه‌وتی ئێران ببێت و كڕینی نه‌وتی عیراق زیاتر بكات.

ئاماژه‌ی به‌وه‌شكردوه‌ توركیا بیر له‌وه‌ ده‌كاته‌وه‌ نه‌وتی خاوی ھه‌نارده‌كراوی عیراق له‌ به‌نده‌ری  مینای به‌سره‌وه‌ ده‌ستبخات و گه‌ره‌نتی ھه‌ندێك له‌و باره‌ نه‌وتانه‌ش بكات كه‌له‌ رێگه‌ی بۆرییه‌وه‌ ھه‌نارده‌ی به‌نده‌ری جه‌یھان ده‌كرێت.

ئه‌مریكا دوای كۆتایھێنان به‌ ماوه‌ی به‌خشینی ھه‌شت وڵات له‌ كڕینی نه‌وتی ئیران، ھۆشداریشیداوه‌ له‌وه‌ی ھه‌ر وڵاتێك له‌دوای 2 ی ئایاره‌وه‌ نه‌وتی ئه‌و وڵاته‌ بكڕێت رووبه‌رووی سزا ده‌بێته‌وه‌.

PUKmedia ئاژانسی بلۆمبیرگ