riklam

فۆرد ئیسكه‌یپی نوێ جیاوازه‌

هەمەرەنگ 10:06 AM - 2019-04-30
.

.

كۆمپانیای فۆردی ئه‌مریكی نوێترین ئۆتۆمبێلی خۆی له‌ جۆری ئیسكه‌یپ به‌رهه‌مهێنا و له‌ڕووی میكانیكی و قه‌باره‌وه‌ ته‌واو له‌ نه‌وه‌كانی پێش خۆی جیاوازه‌.

كۆمپانیای فۆرد بۆ نه‌وه‌ی چواره‌می فۆرد ئیسكه‌یپ گرنگی زۆری به‌ ئیسراحه‌تی شۆفێر و سه‌رنشینان و توانای ئۆتۆمبێله‌كه‌ داوه‌، كه‌ وا بڕیاره‌ له‌ پایزی ئه‌مساڵدا ئیسكه‌یپی  مۆدێل 2020 بخاته‌ بازاڕه‌كانی جیهانه‌وه‌، ئه‌م ئۆتۆمبێله‌  له‌ ڕووی ده‌ره‌وه‌ و نه‌وه‌وه‌ له‌ نه‌وه‌كانی پێشخۆی گه‌وره‌تره‌،،ئه‌مه‌ جگه‌ له‌وه‌ی كه‌ ده‌توانێت 1000 لیتر شمه‌ك هه‌ڵبگرێت، ئه‌مه‌ش كاتێك كوشنی دووه‌می ده‌نوشتێته‌وه‌.

له‌ ڕووی پێشه‌وه‌ی فۆرد ئیسكه‌یپ هاوشێوه‌ی پێشی فۆرد فۆكه‌سه‌، له‌ به‌شی ناوه‌وه‌شی شاشه‌یه‌كی سه‌رده‌میانه‌ی بۆ دانراوه‌ كه‌ قه‌باره‌كه‌ی 8 ئینجه‌، ئه‌مه‌ جگه‌ له‌وه‌ی شاشه‌یه‌كی تری له‌ بری شاشه‌ی هێماكان به‌ قه‌باره‌ی 12.3 ئینج بۆ دانراوه‌.

له‌ ڕووی میكانیكه‌وه‌ فۆرد ئیسكه‌یپ 2020 خاوه‌ن بزوێنه‌رێكی چوار بستۆنی نوێیه‌، كه‌ له‌جۆری (ئیكۆپۆسته‌)، بزوێنه‌ره‌كه‌ له‌ جۆره‌كانی 1.5 لیتر و 2 لیتره‌، كه‌ توانیان له‌ نێوان 180 بۆ250 ئه‌سپدایه‌ به‌ خێرایی سوڕانه‌وه‌ی 240 و 372 نیوتن/مه‌تره‌، ئه‌مه‌ جگه‌ له‌وه‌ی بزوێنه‌ره‌كه‌ی له‌ جۆری هه‌جینه‌ ( بزوێنه‌رێ كی نوێیه‌ كه‌ له‌ بزوێنه‌رێكی ئاسایی و كاره‌بایی پێكدێت و توانایه‌كی زۆر به‌ ئۆتۆمبێله‌كه‌ ده‌به‌خشێت و توانای چه‌ند هێنده‌ زیاد ده‌كات).

بزوێنه‌ره‌ كاره‌باییه‌كه‌ توانای 198 ئه‌سپی تر ده‌دات به‌ ئۆتۆمبێله‌كه‌، به‌شێوه‌یه‌ك هه‌ر ئه‌م بزوێنه‌ره‌ كار ده‌كات، به‌ڵام كاتیك خێرایی ئۆتۆمبێله‌كه‌ گه‌یشته‌ 136 كیلۆ مه‌تر له‌ سه‌عاتێكدا،ئه‌وا بزوێنه‌ری سوته‌مه‌نیه‌كه‌ش ده‌كه‌وێته‌ كار.

ئه‌م ئۆتۆمبێله‌ هێشتا نرخی دیاری نه‌كراوه‌ و  له‌ ڕابردووشدا توانیویه‌تی جه‌ماوه‌رێكی زۆر بۆخۆی ڕابكێشێت.


PUKmedia  و/گۆران قادر


سه‌رچاوه‌: الامارات الیوم

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket