بەرەی توركمانی: یەكێتی لەهەر كوێیەك بێت مافەكانمان پارێزراوە
ی.ن.ک 03:23 PM - 2019-04-24.
ئەمڕۆ سەعدی ئەحمەد پیرە ئەندامی مەكتەبی سیاسی و لێپرسراوی مەكتەبی پەیوەندییە گشتییەكانی یەكێتیی نیشتمانیی كوردستان بەبۆنەی ٢٤هەمین ساڵیادی دامەزراندنی حزبەكەیان لە شاری هەولێر سەردانی حزبی بەرەی توركمانی عیراقی كرد.
لە دیدارێكی نێوان هەردوولادا سەعدی ئەحمەد پیرە تیشكی خستە سەر پەیوەندی مێژووی هەردوو گەلی كوردو توركمان و هاوخەباتی هەردوولا لەبەرەنگاربوونەوەی دیكتاتۆریەت بەتایبەت لەشۆڕشی نوێی گەلەكەماندا، هەروەها وتی سیاسەتی یەكێتی هەمان ئەو سیاسەتە دێرینەی سەرۆك مام جەلال پەیڕەو دەكا كە دەبێ هەموو پێكهاتەكانی كوردستان یەكسان بن لەئەرك و مافدا و هەمووان هاوبەشی راستەقینەن كوردستاندا، بۆیە پێویستە لەهەموو پرسەكاندا راوێژو گفتوگۆ بكەینە بنەمای كاركردنمان بۆ تێپەڕاندنی كێشەو قەیرانەكان،لەپێناو چەسپاندنی زیاتری چەمكەكانی دیموكراسی و بەدیهێنانی خۆشگوزەرانی گەلی كوردستان.
دواتر تەئكیدیكردەوە كە یەكێتیی نیشتمانیی كوردستان وەك حزبێكی سۆسیال دیموكرات باوەڕی تەواوی بەیەكسانی و شەراكەتی راستەقینە هەیە لەبەرامبەر هەموو پێكهاتەكانی گەلی كوردستان و توركمانیش وەك پێكهاتەیەكی كاریگەروی ئەم وڵاتە سەیر دەكات، بۆیە هیچ كاتێك هەوڵی ئیستیغلالكردنی دەنگ و رەنگی توركمان و پێكهاتەكانی دیكەی نەداوە، لەڕابردوو و ئێستاش سەلماندویەتی و منەتیش بەسەر گەلی توركمان ناكات، بەڵام هەموو دەسكەوتە روناكبیری و پەروەردەیی و ئیدارییەكانی گەلی توركمان بەهاوكاری یەكێتیی نیشتمانیی كوردستان بەدەست هاتوون.
دواتر ئایدن مەعروف ئەندامی مەكتەبی سیاسی بەرەی توركمانی سەرەتا سوپاسی هەڤاڵ سەعدی ئەحمەد پیرە و وەفدی یاوەری كرد بۆ سەردانیكردنیان بەبۆنەی دامەزرادنی حزبەكەیان دواتر رۆڵی خوالێخۆشبوو سەرۆك مام جەلال و یەكێتیی نیشتمانیی كوردستانی بەرز نرخاند لە بەدیهاتنی دەسكەوتەكانی گەلی توركمان لەعیراق و كوردستان و دووپاتیشی كردەوە، یەكێتی لەهەر كوێیەك پێگەی بەهێز بێت، توركمانیش مافەكانی پارێزراو دەبێ و پێگەی بەهێز دەبێت، ئومێدی خۆشی نیشاندا بەچارەسەركردنی ناكۆكیەكان و وتی، لایەنەسیاسیەكان كێشەی زۆر گەورەتریان هەبووەو چارەسەركراوە، هەروەها وتی بەرەی توركمانی پاشكۆی هیچ لایەنێكی ناوخۆیی و دەرەكی نیەو بۆیە ئێمە بەشێك نین لە ململانێ سیاسیەكان، بۆ پاراستنی بەرژەوەندیەكانی گەلی كوردستانیش تەوازنی سیاسی لەنێوان هێزە سیاسیەكان رابگیرێت.
لەبەشێكی دیكەی دیدارەكەدا سەعدی ئەحمەد پیرە رایگەیاند: هەموومان پێویستیمان بەسیاسەتێكی عەقلانی هەیە، بۆیە دەبێ دووركەوینەوە لەسەرلێشێواندنی خەڵك لەڕێگەی میدیاوەو بگەڕێنەوە كاری هاوبەش، چونكە كەس لەكوردستان حزبی حاكمی موتلەق نیە، هەمووان پێكەوە دەتوانین خزمەتی گەل و وڵاتەكەمان بكەین،بۆیە دەبێ لایەنە سیاسیەكانی توركمان وەك نوێنەری دووەم پێكهاتەی كوردستان رۆڵی خۆیان ببینن لەچارەسەركردنی كێشەكان و سەربەخۆیانە بڕیاری خۆی بدات.
PUKmedia
هەواڵی زیاتر
-
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
کوردستان 10:33 AM - 2024-04-25 -
وەفدێکی یەکێتی سەردانی حزبى شیوعى و پارتی ئیرادەی نیشتمانی تورکمانی دەکات
ی ن ک 09:23 PM - 2024-04-24 -
شاڵاو کۆسرەت رەسوڵ لە هەولێر بەشداری ژمارەیەک پرسە دەکات
پرسەنامە 09:17 PM - 2024-04-24