هونه‌رمه‌ند ره‌فعه‌ت ره‌جه‌ب كۆچی دوایكرد

.

ره‌فعه‌ت ره‌جه‌ب هونه‌رمه‌ندو شانۆكارو به‌ڕێوبه‌ری مۆزه‌خانه‌ی دهۆك كۆچی دوایكرد.

ره‌فعه‌ت ره‌جه‌ب هونه‌رمه‌ند و شانۆكار و ده‌رهێنه‌ر و به‌ڕێوه‌به‌ری مۆزه‌خانه‌ی دهۆك، شه‌وی رابردوو،  له‌ ته‌مه‌نی 62 ساڵیدا له‌ پارێزگای دهۆك كۆچی دوایی كرد.

هونه‌رمه‌ند ره‌فعه‌ت ره‌جه‌ب له‌ بواری شانۆ و سینه‌مادا رۆڵێكی به‌رچاوی بینیوه‌ و توانیویه‌تی له‌ كاره‌كانیدا رێچكه‌یه‌كی تایبه‌ت به‌ خۆی بگرێت و دوای خۆشی هونه‌رمه‌ندانی تر هه‌مان رێچكه‌ی ئه‌و بگرنه‌وه‌.

ناوی ته‌واوی ره‌فعه‌ت ره‌جه‌ب جه‌ماله‌، له‌ ساڵی 1957دا له‌ ئاكرێ له‌دایكبووه‌، ساڵی 1972  چووه‌ته‌ دنیای هونه‌ر و شانۆ و سینه‌ماوه‌ و خاوه‌نی چه‌ندین به‌رهه‌می هونه‌ریه‌.

PUKmedia تایبه‌ت