كۆپنهاگن.. یادی شه‌هیدانی كوردی فه‌یلی به‌رز راده‌گیرێت

.

ئه‌نجوومه‌نی كوردانی فه‌یلی له‌ دانیمارك، به‌بۆنه‌ی 39  هه‌مین ساڵیادی رۆژی راگواستن وشه‌هیدانی كوردی فه‌یلی كۆڕێكیان سازكرد.

له‌سه‌ره‌تای كۆڕه‌كه‌دا وتاری ئه‌نجوومه‌نی كوردانی فه‌یلی له‌لایه‌ن سه‌رۆكی ئه‌نجوومه‌نه‌وه‌ پێشكه‌شكرا  و دواتر وتار و برووسكه‌ی نوێنه‌رێ باڵوێزخانه‌ی عیراق و حزب و لایه‌نه‌كان  خوێندرانه‌وه‌ كه‌بۆ ئه‌و یاده‌ نێردرابوون.

به‌مه‌به‌ستی گه‌یاندنی په‌یامی وهاوخه‌می و به‌رزڕاگرتنی ساڵیاده‌كه‌، به‌ناوی كۆمیته‌ی رێكخستنه‌كانی یه‌كێتیی نیشتمانیی كوردستان و كۆمه‌له‌ی پێشمه‌رگه‌ دێرینه‌كانی كوردستان له‌دانیمارك، وه‌فدێكی هاوبه‌ش كه‌ پێك هاتبوون له‌ به‌رپرسی كه‌رتی كۆپنهاگن هاوڕێ مه‌حمود و ئه‌ندامانی كه‌رت ستار مامه‌ و گه‌نج حمید و چه‌ند ئه‌ندامێكی كه‌رتی كۆپنهاگن و كۆمه‌ڵه‌ی پێشمه‌رگه‌ دێرینه‌كان به‌شداریانكرد و په‌یامی هاوبه‌شی كۆمیته‌ و پێشمه‌رگه‌ دێرینه‌كانیش جێی سه‌رنچ و باسی ئاماده‌بووان بوو. 

PUKmedia سه‌ردار محه‌مه‌د عه‌بدوڵڵا