ته‌قینه‌وه‌كانی سریلانكا كاردانه‌وه‌ی نێوده‌وڵه‌تی لێده‌كه‌وێته‌وه‌

.

ئاماری كوژراو بریندارانی ته‌قینه‌وه‌كانی سریلانكا بۆ زیاتر له‌ 650 كه‌س به‌رزبوووه‌.

حكومه‌تی سریلانكا رایگه‌یاند: له‌كاتی به‌ڕێوه‌چوونی سروته‌كانی جه‌ژنی قیامه‌ی مه‌سیحییه‌كان له‌كۆڵۆمبۆی پایته‌ختی سریلانكا و ده‌وروبه‌ری، 8 ته‌قینه‌وه‌ روویانداوه‌ و سێ كه‌نیسه‌و سێ ھۆتێل كرانه‌ ئامانج، به‌ھۆشیه‌وه‌ 207 كه‌س كوژراون 450 كه‌س برینداربوون.

حكومه‌تی سریلانكاش بڕیاری داخستنی تۆڕه‌ كۆمه‌ڵایه‌تییه‌كانی ده‌ركرد و ھه‌روه‌ھا قه‌ده‌غه‌كردنی ھاتووچۆش راگه‌یه‌ندرا.

به‌پێی زانیاریی ده‌زگا ئه‌منییه‌كانی ئه‌و وڵاته‌، ئه‌و سێ ھۆتێله‌ی په‌لاماردراون له‌كۆڵۆمبۆی پایته‌ختدا بوون و زۆرینه‌ی میوانه‌كانیشی گه‌شتیاری بیانی بوون.

ته‌قینه‌وه‌كانی سریلانكا كاردانه‌وه‌ی نێوده‌وڵه‌تی لێكه‌وتۆته‌وه‌ و، سه‌رۆك و لێپرسراوانی وڵاتانی جیھان سه‌رخۆشی خۆیان ئاڕاسته‌ی ئه‌و وڵاته‌ كردووه‌.

PUKmedia ئاژانسه‌كان