غانمی: ئایدولۆژیای داعش گه‌وره‌ترین مه‌ترسیه‌ بۆ عیراق

.

فه‌رمانده‌ی هێزه‌ هاوبه‌شه‌كانی عیراق، له‌ سه‌ر دواهه‌مین جموجوڵه‌كانی داعش له‌ناوچه‌كه‌دا، جه‌خت له‌چاودێریكردنی شانه‌ نوستوه‌كانی ئه‌و گروپه‌ ده‌كات.

عوسمان غانمی فه‌رمانده‌ی هێزه‌ هاوبه‌شه‌كانی عیراق رایگه‌یاندوه‌:" ده‌زگای هه‌واڵگری عیراق به‌وردی و چڕی ته‌واوی جموجوڵه‌كانی شانه‌ نوستووه‌كانی داعشی له‌ناو خاكی عیراق خستووه‌ته‌ ژێر چاودێریه‌وه‌".

رونیشكردوه‌ته‌وه‌:" داعش ده‌سه‌ڵاتداری ناوچه‌ی و خاكی له‌عیراق له‌ده‌ستداوه‌، ناتوانێت به‌هیچ شێوه‌یه‌ك جاری تر ئه‌وه‌ بگرێته‌وه‌ ده‌ست، به‌ڵام ئایده‌لۆژیای داعش گه‌وره‌ترین مه‌ترسیه‌و ده‌بێت ریشه‌ كێش بكرێت".

جه‌ختیكردوه‌ته‌وه‌:" ئه‌و ژماره‌ زۆره‌ تیرۆرسته‌ عیراقیه‌ی كه‌له‌سوریا ده‌ستگیركراون هه‌موویان وه‌رده‌گرینه‌وه‌، به‌ڵام ئه‌وانه‌ گه‌وره‌ترین مه‌ترسی و كاریگه‌رین بۆ بڵاوه‌پێكردنه‌وه‌ی ئایده‌لۆژیای داعش له‌ناوچه‌كه‌دا".

PUKmedia ئاژانسه‌كان