له‌مه‌ودوا كێشی گه‌شتیار نرخی بلیت دیاریده‌كات

.

پڕۆژه‌ هه‌یه‌ له‌ ئاینده‌دا كێشی جه‌سته‌ی گه‌شتیار نرخی بلیتی فڕۆكه‌ دیاری بكات.

ئاژانسه‌كانی هه‌واڵی به‌ریتانیا بڵاویانكرده‌وه‌، له‌ لایه‌ن وه‌زاره‌تی گواستنه‌وه‌ی به‌ریتانیاو كۆمپانیاكانی فڕۆكه‌وانی ئه‌و وڵاته‌وه‌ پڕۆژه‌یه‌ك پێشنیازكراوه‌ له‌ ئاینده‌دا له‌كاتی گه‌شتكردندا، حساب بۆ كێشی جه‌سته‌ی گه‌شتیاریش بكرێت، به‌وه‌ی پێش گه‌شتكردن كێشی جه‌سته‌ی گه‌شتیاره‌كه‌ نرخی بلیت دیاری بكات.

ئه‌و سه‌رچاوانه‌ ئه‌وه‌شیان راگه‌یاندووه‌، هۆكاری پێشنیاركردنی ئه‌م پڕۆژه‌یه‌ بۆ ئه‌وه‌ ده‌گه‌ڕێته‌وه‌ كه‌ تێبینی ته‌واو كراوه‌ له‌كاتی گه‌شتی فڕۆكه‌دا كێشی جه‌سته‌ی گه‌شتیاره‌كان هۆكاربووه‌ بۆ ئه‌وه‌ی فڕۆكه‌كه‌ زۆرتر سوته‌مه‌نی بسوتێنێ به‌به‌راود به‌ هه‌مان گه‌شت بۆ هه‌مان شوێن، به‌ڵام كێشی جه‌سته‌ی گه‌شتیاره‌كان كه‌متر بووبێت، واته‌ (قه‌ڵه‌و) نه‌بووبێتن.

PUKmedia سكای نیوز العربیه‌