كاتی ناردنی پاره‌كه‌ی به‌غدا ئاشكرا ده‌بێت

.

سه‌رچاوه‌یه‌ك ئاشكرایكردوه‌ كه‌ له‌دوو رۆژی  داهاتوودا به‌غدا پاره‌ی پێویست بۆ دابه‌شكردنی موچه‌ی فه‌رمانبه‌ران ره‌وانه‌ی هه‌رێم ده‌كات، هۆكاری دواكه‌وتنی دابه‌شكردنی موچه‌ی فه‌رمانبه‌رانیش بۆنه‌بوونی پاره‌ی پێویست ده‌گه‌ڕێته‌وه‌.

سه‌رچاوه‌یه‌كی تایبه‌ت له‌وباره‌یه‌وه‌ رایگه‌یاندوه‌:" پاره‌ی نه‌ختینه‌ له‌ بانكه‌كاندا نییه‌ و ئه‌و مووچه‌یه‌ش كه‌ دابه‌ش ده‌كرێت پاره‌ی ناوخۆی هه‌رێمه‌، هه‌ركاتێك پاره‌ی به‌غداد ره‌وانه‌ بكرێت، مووچه‌ی وه‌زاره‌ته‌كان به‌ خێرایی دابه‌ش ده‌كرێت".

رونیشكردوه‌ته‌وه‌:" چاوه‌ڕوان ده‌كه‌ن له‌دوو رۆژی داهاتوودا به‌غداد پاره‌ی پێویست بۆ هه‌رێم ره‌وانه‌ بكات و دواتر مووچه‌ی سه‌رجه‌م وه‌زاره‌ته‌كان دابه‌ش بكرێت".

PUKmedia كوردسات نیوز