PUKmedia زانیاری له‌باره‌ی گۆڕه‌به‌كۆمه‌ڵه‌كه‌ی سه‌ماوه‌ ده‌خاته‌ڕوو

.

به‌پێی زانیارییه‌كان له‌ گۆڕه‌به‌كۆمه‌ڵه‌كه‌ی پارێزگای سه‌ماوه‌دا زیاتر له‌ 100 روفاتی كورد هه‌یه‌.

له‌و باره‌یه‌وه‌ عه‌لی حسێن رۆژنامه‌نوس له‌ پارێزگای سه‌ماوه‌ به‌ PUKmedia ی راگه‌یاند: ده‌ستكه‌وتنی زانیاری له‌سه‌ر بوونی روفاتی ژماره‌یه‌ك كورد له‌و جێگه‌یه‌، له‌لایه‌ن شایه‌تحاڵێكه‌وه‌ بووه‌ كه‌ لایه‌نه‌ په‌یوه‌ندیداره‌كانی ئاگادار كردوه‌ته‌وه‌، كه‌ له‌و شوێنه‌ روفاتی چه‌ندین كه‌س هه‌یه‌ كه‌له‌ناویاندا ژن و پیاو و منداڵ هه‌ن.

وتیشی: به‌پێی زانیارییه‌كان روفاتی زیاتر له‌ 100 كه‌س له‌و گۆڕه‌ به‌كۆمه‌ڵه‌دا هه‌یه‌ كه‌ سه‌رجه‌میان كوردن و له‌ئێستادا چاوه‌ڕوانی وه‌زاره‌تی شه‌هیدان عیراق و لایه‌نی په‌یوه‌ندیدار ده‌كه‌ین تا گۆڕه‌به‌كۆمه‌ڵكه‌ هه‌ڵبدرێته‌وه‌.

له‌باره‌ی چۆنێتی زانینی ئه‌و گۆڕه‌ به‌كۆمه‌ڵه‌كه‌ كه‌ كوردن، ئه‌و رۆژنامه‌نوسه‌ وتی: وه‌ك سه‌ره‌تایه‌ك ده‌ستكرا به‌هه‌ڵدانه‌وه‌ی گۆڕه‌كه‌و روفاتی كچێكی منداڵ كه‌ جلوبه‌رگی كوردی له‌به‌ردابوو ده‌ركه‌وت و به‌ وته‌ی شایه‌تحاڵه‌كه‌ش ئه‌وانه‌ی له‌و شوێنه‌ زینده‌به‌چاڵ كراون سه‌رجه‌میان جلوبه‌رگی كوردییان له‌به‌ربووه‌.

PUKmedia  تایبه‌ت