ره‌فعه‌ت عه‌بدوڵڵا: یاده‌وه‌ری ئه‌نفال به‌ نه‌مری ده‌مێنێته‌وه‌

.

ره‌فعه‌ت عه‌بدوڵڵا لێپرسراوی مه‌كته‌بی رێكخستنی یه‌كێتیی نیشتمانیی كوردستان به‌بۆنه‌ی ساڵیادی تاوانی ئه‌نفالدا بروسكه‌یه‌ك بڵاوده‌كاته‌وه‌.

ده‌قی بروسكه‌كه‌.
بۆ یادی به‌دناوی ئه‌نفال
شاڵاوی ئه‌نفال لوتكه‌ی دڕنده‌یی به‌عس بوو دژی خه‌ڵك و خاكی كوردستان، ئه‌م شاڵاوه‌ ته‌نها هه‌وڵێك نه‌بوو بۆ پاكتاوكردن و قڕكردنی مرۆڤی كوردی به‌ڵكو هه‌وڵێك بوو بۆ خاپوركردنی خاك و گوندو هه‌رچی بونه‌وه‌رێكه‌ كه‌ له‌م نیشتیمانه‌دا ئه‌ژیت، هه‌ربۆیه‌ به‌عس ره‌هه‌ندێكی ئاینی به‌م پرۆسه‌ به‌دناوه‌ به‌خشی و به‌ناوی ئاینه‌وه‌و به‌  به‌رچاوی كۆمه‌ڵگای ئیسلامی و جیهانه‌وه‌ پلانی قڕكردنی نه‌ته‌وه‌یه‌كی جێ به‌جێ كرد، به‌داخه‌وه‌ ئه‌م پڕۆسه‌ به‌دناوه‌ به‌ئه‌ندازه‌ی كاولكارێكه‌ی نه‌مانتوانی وه‌ كاری هه‌مه‌لایه‌نه‌ی له‌سه‌ربكه‌ین و له‌ سه‌رئاستی جیهان، جگه‌ له‌ هاوسۆزی كارێكی تری به‌دوای خۆیدا نه‌هێناوه‌ كه‌ قه‌ره‌بوبێت بۆ خه‌ڵكی گه‌رمیان و ناوچه‌كانی تر،له‌م ڕۆژه‌دا داواكارم له‌ حكومه‌تی هه‌رێم و عێراق هه‌وڵی ئاوه‌دانی زیاتر و هاوكاری زیاتر بده‌ن بۆ كه‌س و كاری ئه‌نفالكراون و قه‌ره‌بوویان بكه‌نه‌وه‌، كاریگه‌رێكانی ئه‌م شاڵاوه‌ به‌دناوه‌ تا چه‌ندین ده‌یه‌ی تر له‌ سه‌رمان ئه‌مینێته‌وه‌ بۆیه‌ پێویسته‌ به‌ وردی دراسه‌بكرێت و هه‌وڵی جدیش بدرێت بۆ ناساندنی وه‌ك جینۆساید، جارێكی تر یاد و یاده‌وری ئه‌نفالكراوانمان به‌ نه‌مری ئه‌مێنێته‌وه‌و ئه‌نجامده‌رانیشی له‌ زبڵدانی مێژوودا لاپه‌ڕه‌ی ڕه‌شیان وه‌ك میرات بۆ ئه‌مینێته‌وه‌.
                                                                 
ره‌فعه‌ت عه‌بدوڵا حه‌مه‌ڕه‌ش

PUKmedia تایبه‌ت