کێ بوون وەرگرانی خەڵاتی بلە و بۆ؟

.

پێشنیارێک..
لە بۆنە جیاجیاکاندا ، زۆر جار خەڵات دابەش دەکرێت و زۆر جاریش لەپاش دابەشبونییەوە ناڕەزایەتی و سەرنج و تێبینی و ڕەخنەی زۆریشی لێ کەوتۆتەوە کە بێگومان بوونی ئەو تێڕوانین و ڕەخنانە دەرئەنجامی هۆکارگەلێکن کە بەگشتی پەیوەستە بەو پێوەرانەی دادەنرێن لە بۆنەکاندا لە لایەن ئەنجامدەرانییەوە، کە دواجار هەم لادان لە پێوەرە ستانداردو ڕاستەکان پرۆفشناڵێتی و گرنگی بەهای خەڵات و بۆنەکان لەدەست دەدات.

هەم کاریگەری دەبێت بۆ لایەنی دەرونی و متمانە و ئومێدی خەڵک و لە لایەکی دیکەشەوە زۆر جار هەندێ لە وەرگرانی خەڵاتەکان کە دەشێت شایستە نەبن خۆیان لێ دەبێت بە کەسانێکی جیاوازتر وەک ئەوەی لە مەریخێکی ترەوە هاتبن .!! ئەوەی جێی باس و جیاوازترە شایستەیی ئەو کەسایەتییانە بوون کە ئەڕۆ لە خەڵاتی زێرینی بلەدا بەدیکرا و کەمیی ناڕەرایەتییەکانی خەڵکیش بوو لەو بارەیەوە، پرسیارە گرنگەکە ئەوەیە بۆ ؟ بێگومان ئەوە زیاتر گرێدراوی ئەو پێوەرە گونجاوو ڕاستانەن کە ووردی و بەرپرسیارێتی پێوە دیار بوو لە لایەن ئەنجامدەرانییەوە، ڕەچاوکرنی باڵانسی جێندەری، جوگرافی، بواری جیای پیشەیی و سیاسی و هتد جێی سەرنجی هەڵبژاردەکان بوو.

بۆیە هاوشێوەی ئەم هەنگاوو کارانە جێی دەستخۆشییەو رەچاوکردنی پێوەری پێویستیش بۆ هەر خەڵاتێک و لەهەر بۆنەیەکی تردا گرنگ و ڕاستە.

ماوەتەوە بڵێم لەپاڵ هەموو ئەو هەڵبژاردانەدا گەر ڕەچاوی تەمەنی جیایی مرۆڤەکان بکرایە لە نەوەی مام ناوەند و تازەش کارەکە تەواوکارتر دەبوو کە هیوادارم بۆ ساڵێکی تری خەڵاتی بلە ڕەچاو بکرێ.

 کنێر عەبدوڵا