وه‌فدێكی هه‌رێم بۆ هاوتاكردنی مووچه‌ له‌به‌غدایه‌

.

وه‌فدێكی وه‌زاره‌تی كاروباری شه‌ھیدان و ئه‌نفالكراوانی ھه‌رێم بۆ پرسی ھاوتاكردنی مووچه‌ی وارسی شه‌ھیدان و كه‌سوكاری ئه‌نفالكراوان و زیندانیانی سیاسی سه‌ردانی به‌غداد ده‌كات.

به‌پێی زیانیارییه‌كانی PUKmedia ، له‌ئه‌مڕۆدا 9-4-2019 وه‌فدێكی وه‌زاره‌تی كاروباری شه‌ھیدان و ئه‌نفالكراوانی حكومه‌تی ھه‌رێم له‌ به‌غداد له‌گه‌ڵ دامه‌زراوه‌ی شه‌ھیدانی عیراق كۆده‌بێته‌وه‌ بۆ گفتوگۆكردن له‌سه‌ر مادده‌ی 26ی ساڵی 2018 كه‌ تایبه‌ت به‌ ھاوتاكردنی مووچه‌ی وارسی شه‌ھیدان و ئه‌نفالكراوان و زیندانیانی سیاسی، به‌ مه‌به‌ستی رێككه‌وتن له‌سه‌ر ھاوتاكردنی شایسته‌ داراییه‌كانی وارسی شه‌ھیدان و زیندانیانی سیاسی ھه‌رێم له‌گه‌ڵ وارسی شه‌ھیدان و كه‌سوكاری شه‌ھیدانی عیراق.

به‌پێی ئه‌و پرۆژه‌یه‌ی پێشتر ئاماده‌كراوه‌، ھاوتاكردنی مووچه‌، وارسی شه‌ھیدانی ده‌ستی تیرۆر و شه‌ھیدانی پێشووتریش ده‌گرێته‌وه‌ به‌هه‌رێمی كوردستانیشه‌وه‌.

PUKmedia تایبه‌ت