riklam

مه‌ترسییه‌كی خواردنی په‌تاته‌ ئاشكرا ده‌كرێت

هەمەرەنگ 01:18 PM - 2019-04-08
.

.

به‌ڕێوه‌به‌رایه‌تی گشتی ته‌ندروستی سلێمانی له‌باره‌ی په‌تاته‌وه‌ هۆشداری ده‌داته‌ هاووڵاتییان و رایده‌گه‌یه‌نێت، په‌تاته‌ ئه‌گه‌ر چه‌كه‌ره‌ی كرد نابێت بخورێت، چونكه‌ له‌ش ژه‌هراوی ده‌كات.

به‌ڕێوه‌به‌رایه‌تی گشتی ته‌ندروستی سلێمانی له‌ په‌ڕه‌ی تایبه‌تی خۆی له‌ فه‌یسبووك له‌ زاری له‌شكر حه‌مید ئه‌ندازیاری خۆراكه‌وه‌ رایگه‌یاندووه‌: ئه‌و په‌تاتانه‌ی چه‌كه‌ره‌یان كردووه‌ یان سه‌وزبوونه‌ته‌وه‌‌ یان نه‌رم بوونه‌ته‌وه‌، یاخود له‌ زه‌ویدا زۆر ماوه‌ته‌وه‌، شیاوی خواردن و رواندنه‌وه‌ نییه‌ و زیان به‌ ته‌ندروستی مرۆڤ ده‌گه‌یه‌نێت، هه‌روه‌ها ماوه‌ی هه‌ڵگرتن و شێوازی هه‌ڵگرتن كاریگه‌ری هه‌یه‌ له‌سه‌ر خراپ بوونی په‌تاته‌كه‌، له‌و كاته‌دا مادده‌ی سۆلانین و ئه‌لفا كانونین دروست ده‌كات كه‌ به‌هۆی به‌كارهێنانی مادده‌ قڕكه‌ره‌كان و شێواز و ماوه‌ی هه‌ڵگرتنی دروست ده‌بێت.

ئاماژه‌ی به‌وه‌شكردووه‌: به‌هۆی روودانی كارلێكی كیمیاییه‌وه‌ چه‌كه‌ره‌ دروست ده‌بێت و ڕه‌نگی ده‌گۆڕێت بۆ سه‌وز و په‌تاته‌كه‌ نه‌رم ده‌بێت، ئه‌مه‌ش ده‌بێته‌هۆی گۆڕینی كاربۆهێدرات بۆ شه‌كره‌كان كه‌ ئه‌مه‌ش به‌ ئاسانی هه‌رس نابێت و كرداری هه‌رس تێكده‌دات و ده‌بێته‌هۆی ژه‌هراوی بوونی له‌ش.

له‌شكر حه‌مید باسی له‌وه‌شكردووه‌: په‌تاته‌ نابێت له‌ شه‌ش مانگ زیاتر هه‌ڵبگیرێت، له‌به‌رئه‌وه‌ی پله‌ی گه‌رما و شێ‌ زیانی پێده‌گه‌یه‌نێت و جۆره‌ مادده‌ی دایۆكسین و سلیكات دروست ده‌كات كه‌ مادده‌ی ژه‌هرییه‌ و زیانی بۆ ته‌ندروستی مرۆڤ هه‌یه‌، پێویسته‌ ئه‌گه‌ر په‌تاته‌ چه‌كه‌ره‌ی كرد یان سه‌وز بوو به‌ هیچ جۆرێك نه‌خورێت.

PUKmedia راگه‌یاندنی ته‌ندروستی سلێمانی

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket