هه‌فته‌ی داهاتوو ده‌ست به‌ دابه‌شكردنی مووچه‌ ده‌كرێت

.

بڕیاره‌ وه‌زاره‌تی دارایی و ئابوری حكومه‌تی ھه‌رێم دابه‌شكردنی مووچه‌ی مانگی كانوونی دووه‌م بۆ چه‌ند رۆژێك پێشبخات.

سه‌رچاوه‌یه‌كی تایبه‌ت له‌ وه‌زاره‌تی دارایی به‌ PUKmedia ی راگه‌یاند: بڕیاره‌ وه‌زاره‌تی دارایی و ئابوری حكومه‌تی ھه‌رێم دابه‌شكردنی مووچه‌ی مانگی كانوونی دووه‌م بۆ چه‌ند رۆژێك پێشبخات و ھه‌فته‌ی داھاتوو له‌سه‌ره‌تای مانگی نیسان ده‌ست به‌ دابه‌شكردنی مووچه‌ی بێ پاشه‌كه‌وت بكرێت.

ئه‌و سه‌رچاوه‌یه‌ سه‌باره‌ت به‌ دابه‌شكردنی دوو مووچه‌، وتی، تائێستا وه‌زاره‌تی سامانه‌ سرووشتییه‌كانی هه‌رێم و حكومه‌تی عیراق وه‌ڵامی داواكارییه‌كانیانی نه‌داونه‌ته‌وه‌ بۆ ئه‌وه‌ی دوو موچه‌كه‌ دابه‌شبكه‌ن و تا كاتی دابه‌شكردنی موچه‌ش چاوه‌ڕوانی وه‌ڵامیان ده‌بین.

له‌باره‌ی خشته‌ی دابه‌شكردنی مووچه‌شه‌وه‌ وتی: گۆڕانكاری به‌سه‌ر خشته‌ی دابه‌شكردنی مووچه‌دا نه‌هاتووه‌و پێشمه‌رگه‌ یه‌كه‌م وه‌زاره‌ت ده‌بێت كه‌ مووچه‌ وه‌رده‌گرێت.

PUKmedia تایبه‌ت