چانسێكی گه‌ش بۆ ئاینده‌ی عیراق !

چانسێكی گه‌ش بۆ ئاینده‌ی عیراق !


26/3/2019 13:04:00
چاپ کردن
بە وێنەوە    بە بێ وێنە
           
.

 دوو دكتۆری پڕ به‌رهه‌م و عادل

•    عیراق وه‌ك وڵاتێكی خاوه‌ن مێژووی زیاتر له‌ 5هه‌زار ساڵی، هیچكات و هیچ ده‌یه‌ ساڵێكی به‌ ئاشتی و ئارامی به‌سه‌رنه‌بردوه‌،كه‌ گه‌لێك هۆكار كۆبونه‌ته‌وه‌ بۆ ئه‌وه‌ی ئه‌م وڵاته‌ی كه‌ ناوی ((نێوان دوو ڕووبار/ یان میسۆپۆتامیا)) ی كۆن و ((عێراقی نوێ))یه‌،له‌وانه‌ هۆكاری جیۆپۆله‌تیكی و هه‌ڵكه‌وته‌ی جیۆسیاسی و ئابوریه‌كه‌ی و ده‌وڵه‌مه‌ندی به‌سه‌روه‌ت و سامانی سروشتی نه‌وت وخاكی به‌پیت و ..هتد. ونه‌بوونی سه‌ركرده‌یه‌كی دڵسۆزیش بۆ وڵات و كۆمه‌ڵگاكه‌ی.هه‌ربۆیه‌ ئه‌م وڵاتی عێراقه‌ له‌ قوڵایی مێژووی دامه‌زراندنیه‌وه‌ گیرۆده‌ی نه‌فره‌تێكی ئه‌زه‌لی بۆته‌وه‌  و مه‌كینه‌ی كوشتن و بڕین و سته‌م و زوڵم و چه‌وساندنه‌وه‌ و خوێنڕشتنی به‌رده‌وام كه‌ له‌كۆتایدا سه‌ركرده‌ و كۆمه‌ڵگاكه‌شی پێكه‌وه‌ هاڕیوه‌.كه‌ سه‌ره‌ڕای خاوه‌ندارێتی مێژوویه‌ك و شارستانێتیه‌كی گه‌لێك دێرین و سه‌ره‌تای مێژوو و بونی سه‌روه‌ت و سامانێكی سروشتی و خاكێكی به‌پیت و گه‌لێكی هوشیار،به‌ڵام هه‌ر به‌دواكه‌وتوویی و نه‌بوونی و هه‌ژاری و دووبه‌ره‌كی و نه‌خوێنده‌واری ماوه‌ته‌وه‌.حومكڕانانی كۆن و نوێی عێراق هێنده‌ی له‌خۆبایبوون و لوتبه‌رز و غروری سیاسیان هه‌بوه‌ و ڕووی له‌جه‌نگ و كاولكاری بوون، نیوهێنده‌ گیان و نیه‌تی خزتمه‌كردن و خاكه‌ڕایی و خه‌مخۆریان نه‌بوه‌ و ڕوویان له‌ ئاشتی و پێشكه‌وتن نه‌بوه‌.

•    به‌ڵام له‌دوای رووخاندنی رژێمی به‌عس له‌ ساڵی 2003 و له‌دوای زیاتر له‌ 30 ساڵی جه‌ور و سته‌م و تیرۆر و تۆقاندنه‌وه‌،سیسته‌می حوكمڕانی له‌ عیراقی نوێدا له‌سه‌ر 4 پایه‌ی گرنگی ((دیموكراسی و فیدراڵی و په‌ڕله‌مانی و كاری پێكه‌وه‌یی)) دامه‌زرایه‌وه‌،كه‌ گه‌ر به‌نیه‌تێكی ڕاستگۆیانه‌ و له‌لایه‌ن سه‌ركرده‌ و حیزبه‌ سیاسیه‌كانه‌وه‌ جێبه‌جێبكرێن و بۆ یه‌كلایكردنه‌وه‌ی هه‌موو كێشه‌ و گرفته‌كانیش په‌نا به‌رنه‌ به‌ر ده‌ستور له‌جیاتی توندوتیژی و كوشتن و بڕین،ئه‌وا هه‌رگیز لاپه‌ڕه‌ ڕه‌ش و تاریكه‌كانی كۆن دووباره‌نابنه‌وه‌ و گه‌لانی عیراق به‌ پێكهاته‌ جیاوازه‌كانیه‌وه‌ له‌ نه‌ته‌وه‌ و ئاین و مه‌زهه‌ب و كه‌لتوره‌ جیاوازه‌كان به‌ ئاشتی و ئارامی و خۆشگوزه‌رانی ژیان ده‌به‌نه‌ سه‌ر و ئه‌وكاتیش ڕووده‌كه‌نه‌ پێشكه‌وتن و داهێنان و به‌خششی زیاتر به‌ نه‌ته‌وه‌ و نیشتیمانه‌كانیان.

•    خۆشبه‌ختانه‌ كورد جێگه‌ و پێگه‌ی سیاسی گه‌وره‌ی له‌م كاری پێكه‌وه‌ییدا هه‌بوه‌ و له‌ چه‌سپاندن و نه‌خشاندن و نوسینه‌وه‌ی ده‌ستوریشدا ڕۆڵی گه‌وره‌ی بینیوه‌ و یه‌كه‌م سه‌رۆك كۆماریش مام جه‌لال بوه‌ ،كه‌ له‌ دوو خولی سه‌رۆكایه‌تی كۆماردا باشترین و جوانترین و دره‌وشاوه‌ترین قۆناغ و ئه‌زمونی پیشانی هه‌موان داوه‌ له‌ناوخۆ و ناوچه‌كه‌ و دونیاشدا،قۆناغی مام قۆناغه‌ سه‌خت و دژوار و پڕ ململانێ سیاسی و چه‌كداری و مه‌زهه‌بی و ئاینی و نه‌ته‌وه‌ییه‌كان بوو،كه‌ هه‌موو ساتێك چاوه‌ڕوانی ته‌قینه‌وه‌ و هه‌ڵایسانی جه‌نگی ئه‌هلی و ناوخۆیی لێده‌كرا، به‌ڵام به‌ حیكمه‌ت و پشوودرێژی و سه‌نگ و قورسایی و دووربینی خۆی توانی به‌سه‌ر هه‌موو كێشه‌كاندا زاڵ بێت و هه‌موو لایه‌ن و سه‌ركرده‌ ناكۆكه‌كانیش له‌سه‌ر یه‌ك مێزی گفتوگۆ كۆبكاته‌وه‌ و به‌هه‌قیش كۆشكی ئاشتی بكاته‌ جێگه‌ی ئاشتی و ئاشتبونه‌وه‌ی هه‌موان و ببێته‌ ێمام الامان بۆ ته‌واوی عێراق.قۆناغی مام قۆناغێكی پڕ شانازی و سه‌روه‌ریه‌ بۆ كورد به‌تایبه‌تی و هه‌موو گه‌لانی عێراقیش به‌گشتی و هه‌موانیش به‌ ستایشی زۆره‌وه‌ یاده‌وه‌ریه‌كانی ئه‌و قۆناغه‌ ده‌گێڕنه‌وه‌. له‌گه‌ڵ ئه‌وه‌ی كه‌ له‌ده‌ستوردا سیسته‌می حوكمڕانی په‌ڕله‌مانیه‌ و سه‌رۆك كۆمار كه‌مترین ده‌سه‌ڵاته‌كانی له‌لایه‌،به‌ڵام ئه‌وه‌ كه‌سایه‌تی و كاریزمایی مام بوو كه‌ پۆستی سه‌رۆكی كۆماری گه‌وره‌تر وگرانتر و سه‌نگینتر كرد به‌كار و چالاكی و په‌رۆشی و خه‌مخۆریه‌كانی بۆ ته‌واوی عیراق و عێراقیه‌كان.نه‌ك پۆسته‌كه‌ مام گه‌وره‌ بكات.
•    دوای مام و له‌ 4 ساڵی سه‌رۆكایه‌تی د. فواد مه‌عسومدا،ئه‌و ڕۆڵ و كاریگه‌رییه‌ی دامه‌زراوه‌ی سه‌رۆكایه‌تی كۆمار سست و پوكایه‌وه‌ و ئه‌وپه‌ڕی خه‌مساردی و بێئومێدی به‌خۆوه‌ بینی و ته‌نها وه‌ك پۆستێكی ته‌شریفاتی مایه‌وه‌ و هیچ زیاده‌یه‌كی نه‌خسته‌ سه‌ر خه‌رمانی كاره‌كانی مام،له‌لایه‌ك زۆر سه‌خته‌ هه‌ر كه‌سێك دوای مام بتوانێت زیاد له‌كاره‌كانی مام جێبه‌جێبكات،وله‌لایه‌كی تریشه‌وه‌ سروشتی كه‌سایه‌تی د.فۆاد بۆخۆشی نه‌گونجاو بوو بۆ ئه‌و پۆسته‌ گرنگ و سیادیه‌.هه‌ربۆیه‌ نه‌یتوانی ئه‌و قۆناغه‌ به‌دره‌وشاوه‌یی بهێڵێته‌وه‌.

•    به‌ڵام له‌ ئێستادا و دوای 4 ساڵی جه‌ور و جه‌فای د.فواد مه‌عسوم،جارێكی تر ئوێده‌كان و ئاسۆ ڕوونه‌كان له‌ده‌م كه‌ل ده‌بینرێته‌وه‌ به‌هاتنی د.به‌رهه‌م ئه‌حمد ساڵح وه‌ك سێیه‌م سه‌رۆك كۆماری كورد، له‌لایه‌ك پۆسته‌كه‌ بۆخۆی شایسته‌ی كه‌سایه‌تی و لێهاتوویی وتوانا و تێڕوانین و ناسراوی و چالاكی د.به‌رهه‌مه‌ وده‌بوو هه‌ر زووتر و 4 ساڵی پێشتر ئه‌و كاره‌ بكرایه‌.د. به‌رهه‌م دوور له‌ پیاهه‌ڵدان و مه‌دح و سه‌ناكردنی كه‌سی((كه‌ هیچ كه‌سیش بێ كه‌م وكوڕی و هه‌ڵه‌ی سیاسی نیه‌ و نابێت)) ،بۆخۆی كه‌سایه‌تی خۆی سه‌پاندوه‌،ئه‌وه‌ش به‌هۆی ئه‌زمونه‌ سیاسی و ئیداریه‌ كه‌ڵه‌كه‌بوه‌كانیه‌وه‌یه‌تی له‌ناو یه‌كێتیی نیشتیمانیی كوردستان وه‌ك جێگری دووه‌می سكرتێری گشتی و وه‌ك نوێنه‌ری یه‌كێتیش له‌ دوو وڵاتی هه‌ره‌ گه‌وره‌ی دونیای ڕۆژئاوا له‌ به‌ریتانیا و ئه‌مریكادا و دواتریش هاتنه‌وه‌ی بۆ كوردستان و بونه‌ سه‌رۆك وه‌زیرانی حكومه‌تی ئیداره‌ی سلێمانی و دواتریش حكومه‌تی یه‌كگرتوو،له‌ دوای ڕووخانی ڕژێمی به‌عسیشه‌وه‌ وه‌رگرتنی پۆستی جێگری سه‌رۆك وه‌زیرانی عیراق((ئه‌یاد عه‌لاوی)) و دواتر وه‌زیری پلاندانان و گه‌لێك پله‌ و پۆستی تر. هه‌موو ئه‌مانه‌ وایانكردوه‌ كه‌ د.به‌رهه‌م ببێته‌ كاراكته‌رێكی ناسراو و دیار و خۆشه‌ویست و باوه‌ڕپێكراو له‌سه‌ر ئاستی عێراق و ناوچه‌كه‌ و دونیاش به‌توانا و لێهاتوی و تێڕوانینه‌ ڕاست ودروسته‌كانی بۆ رووداو و پێشهاته‌كان..و هه‌ڵبژاردنیشی له‌لایه‌ن زۆرینه‌یه‌كی زۆری په‌ڕله‌مانتارانی عیراقه‌وه‌ له‌ كێبڕكێیه‌كی توند و سه‌ختی دیموكراسیدا هه‌موو ئه‌و مانا و بڕوا و متمانه‌یه‌ی هه‌موانی سه‌لمانده‌وه‌ به‌ د.به‌رهه‌م. و ئه‌و كاروچالاكیه‌ زۆروزه‌وه‌ندانه‌شی له‌ماوه‌یه‌كی كه‌موكورتی سه‌رۆكایه‌تیه‌كه‌یدا بۆ ده‌ره‌وه‌ی عێراق و له‌ناوخۆشدا گه‌واهیده‌رێكی راستگۆن بۆ تواناكانی د.به‌رهه‌م.

•    هه‌ر له‌پاڵ د.به‌رهه‌مدا،دكتۆرێكی عادلی تر ((عادل عبدالمهدی))وه‌ك سه‌رۆك وه‌زیرانێكی شایسته‌ و هه‌ڵبژێردراو و متمانه‌ پێكراوی گه‌وره‌ترین دووكوتله‌ی سیاسی شیعه‌ و سونه‌كان و دواتریش هه‌مووو په‌ڕله‌مانی عێراق، ئه‌م دوو دوكتۆره‌ بونه‌ته‌ دوانه‌یه‌كی ته‌واوكاری یه‌كتری و بونه‌ته‌ دوو ڕووی دراوێك كه‌ پێكه‌وه‌ ده‌توانن كاری زۆر گه‌وره‌ و خزمه‌تی زۆر به‌خشنده‌ پێشكه‌ش به‌هه‌موو عێراقیه‌كان بكه‌ن.عادل عبدالمهدی وه‌ك كه‌سایه‌تیه‌كی سیاسی و موحه‌نه‌ك و موجه‌ڕه‌ب و خاوه‌ن مێژوویه‌كی تاڕاده‌یه‌ك بێ خه‌وشی گه‌نده‌ڵی و نه‌رم و نیان و له‌سه‌رخۆ و بێ پشت و په‌نایه‌كی گه‌وره‌ی په‌ڕله‌مانیش و له‌ئه‌نجامی كه‌ڵه‌كه‌بوونی ئه‌زمونه‌ زۆر و زه‌وه‌نده‌كانی سیاسی و ئیداری و حیزبایه‌تی له‌ هه‌موو حكومه‌ته‌كانی دوای ڕووخاندن چ وه‌ك وه‌زیر یان جێگری سه‌رۆك كۆمارو بێلایه‌نیه‌كه‌شی بۆ هه‌موان وایان كردوه‌ ببێته‌ كه‌سایه‌تیه‌كی خۆشه‌ویست و خاكه‌ڕاو و خه‌مخۆر و جێگه‌ متمانه‌ی هه‌موان.

•    به‌م شێوه‌یه‌ ئه‌م دوو دكتۆره‌ پێكه‌وه‌ ده‌توانرێت ئومێدی زۆریان له‌سه‌ر هه‌ڵبچنرێت وه‌ك دوو مۆدێلی نوێ له‌ حوكمڕانانی عێراق ،لانی كه‌م بۆ 4ساڵی ئاینده‌،گه‌ر ململانێ سیاسی و حیزبیه‌ ناڕه‌واكان و شه‌ڕی له‌جیاتی و ده‌ستوه‌ردان له‌گه‌وره‌ و بچوكی بڕیاره‌كانی حكومه‌تدا لێگه‌ڕێن.كه‌ خۆشبه‌ختانه‌ 4 ساڵی ئاشتی و ئارامی و بوژاندنه‌وه‌ و ئاوه‌دانكردنه‌وه‌ ده‌بێت دوور له‌ شه‌ڕ و جه‌نگ و كوشتاری ناوخۆیی و تیرۆریستانیش.عێراق له‌م 4 ساڵه‌ی ئاینده‌دا پێویستی به‌ كه‌سایه‌تی ئه‌م دوو كاراكته‌ره‌ هه‌یه‌ كه‌ تێڕوانین و بۆچوون و به‌رنامه‌ و پلانه‌كانیان زۆر لێكنزیكه‌ و هه‌ردووكیشیان وه‌ك دكتۆرێك ده‌توانن چاره‌سه‌ری زۆرێك له‌ كێشه‌ و نه‌خۆشیه‌كانی كۆمه‌ڵگای عێراقی بكه‌ن.بۆیه‌ ده‌كرێت عێراق له‌دوای 5 هه‌زار ساڵی تاریك و تون و نه‌فره‌تلێكراوی ،چانسێكی مژده‌به‌خشی هێنابێت به‌هاتنی ئه‌م دوو دكتۆره‌ و له‌ پاڵیشیاندا سه‌رۆكێكی گه‌نج و لاوی په‌ڕله‌مانیش ((محمد حه‌لبوسی)) كه‌ به‌هه‌مان شێوه‌ نزیكه‌ له‌كه‌سایه‌تی  هه‌ردوو دوكتۆره‌وه‌.

•    له‌هه‌مان كاتیشدا بۆ حكومه‌تی هه‌رێمی كوردستانیش ده‌توانن ببنه‌ پاڵپشتێكی ڕاسته‌قینه‌ و ڕاستگۆ بۆ چاره‌سه‌ری ته‌واوی كێشه‌ كه‌ڵه‌كه‌بوه‌كانی نێوان هه‌ولێر و به‌غداد و جێبه‌جێكردنی ماده‌ی 140ی ده‌ستور و موسته‌حه‌قاتی هێزی پێشمه‌رگه‌ و هه‌ردوولا به‌گیانێكی ته‌بایی و پێكه‌وه‌یی ڕێكبكه‌ون له‌سه‌ر دووباره‌ نه‌كردنه‌وه‌ی هه‌ڵه‌ سیاسیه‌كانی ڕابووردوو به‌تایبه‌تی له‌ كه‌رتی وزه‌دا،ده‌كرێت كێشه‌ سیاسیه‌كان له‌ناوخۆ و له‌سه‌ر مێزی گفتوگۆكان چاره‌سه‌ربكرێن و ژیان و گوزه‌رانی جه‌ماوه‌ر تێكه‌ڵ نه‌كرێن و وه‌ك كارتی فشار به‌رامبه‌ر به‌یه‌كتر به‌كارینه‌هێنن وه‌ك له‌ساڵی 2014وه‌ جێبه‌جێكرا له‌بڕینی به‌شه‌ بودجه‌ی 17% هه‌رێمی كوردستان و مووچه‌ی مووچه‌خۆران.

•    گرنگه‌ هه‌رێم و به‌غدادیش ئه‌م چانسه‌ مێژووییه‌ له‌ده‌ست نه‌ده‌ن و بتوانن بیخه‌نه‌ خزمه‌تی زیاتر به‌هێزكردنه‌وه‌ی داموده‌زگا شه‌رعیه‌كانی ده‌وڵه‌تی عێراق و هه‌رێمه‌وه‌ و وڵات به‌ره‌و ئاوه‌دانی و خۆشگوزه‌رانی زیاتر بنێن. به‌ دژایه‌تیكردنی گه‌نده‌ڵی و نادادپه‌روه‌ری و بێ خزمه‌تی و ..هتد.ئاشكراشه‌ كاری گه‌وره‌ له‌كه‌سایه‌تی گه‌وره‌وه‌ ده‌رده‌چێت و له‌ئێستاشدا خۆشبه‌ختانه‌ عێراق خاوه‌نی دوو كه‌سایه‌تی گه‌وره‌ و هێمن و ناسراو و سه‌نگینن كه‌ دووباره‌بونه‌وه‌ی گه‌لێك ئه‌سته‌مه‌.

نه‌وزادی موهه‌ندیس

PUKmedia

وێنە هەواڵ
  • image04
  • نوێترین دەركەوتنی هێرۆ ئیبراهیم ئەحمەد

  • image04
  • فڕۆكه‌یه‌كی سوپای چیلی به‌ 38 سه‌رنشینه‌وه‌ ونبوو

  • image04
  • كۆنفرانسی مه‌ڵبه‌نده‌كان ده‌ستیپێكرد

  • image04
  • بەفربارین حاجی ئۆمەران سپی پۆشدەكات

  • image04
  • پێشمەرگە شەهیدەكانی گەرمیان

  • image04
  • میسی بۆ جاری شه‌شه‌م باڵۆن دۆڕی برده‌وه‌

  • image04
  • سێ كارمه‌ندی ئاسایشی گه‌رمیان شه‌هیدبوون

  • image04
  • به‌غدا.. خۆپیشانده‌ران بۆ ده‌ستله‌كاركێشانه‌وه‌ی عادل عه‌بدولمه‌هدی ئاهه‌نگ ده‌گێڕن


                                           

هۆڵەندا.. لە یادی ژەنەراڵی پایزدا فیلمێك نمایشدەكرێت


یانەی كوردیی میدیا لە هۆڵەندا لە یادی ژەنەراڵی پایزدا فیلمی (من هێشتا نامۆم)  نمایشدەكات.

سەعات 14:30 دەقیقەی رۆژی یەكشەممە 15...


   ڤانکوڤەر.. سیمینارێك لەسەر ڕۆژئاوا بەڕێوەدەچێت
  ئەڵمانیا..دوو دادوەری كورد گفتوگۆ لەسەر نادادپەروەری دادگاکانی عیراق دەکەن
                                           

لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام


لاهور شێخ جه‌نگی له‌چاوپێكه‌وتنێكدا بۆ ئاژانس رایگه‌یاندوه‌، بۆ كۆنگره‌ دژی ته‌وافوقم، به‌ڵام له‌گه‌ڵ لێكتێگه‌یشتندام
 
لاهور ش...


  عومەر شێخ موس: سەركردایەتیی كورد لەسیاسەت تێ نەگەیشتووە
  حاجی مەسیفی: بۆ دانانی پارێزگاری كەركوك چیتر سەبرمان نەماوە
                                           

عه‌فرین.. تائێستا توركیا 150 هه‌زار دار زه‌یتوونی له‌ناو بردووه‌

جارێكی دیكه‌ تاڵان وبڕۆیی به‌رهه‌می زه‌یتونی جوتیارانی شاری عه‌فرین دێته‌وه‌ سه‌ر باس، به‌رپرسه‌ دیاره‌...


  سه‌رشۆڕێكی داعش له‌به‌رده‌م سه‌ری به‌رزی كچه‌ ئێزیدییه‌كدا
  روونكردنه‌وه‌كه‌ی ئه‌نجومه‌نی باڵای فه‌توا نیگه‌رانی لێده‌كه‌وێته‌وه‌


کاریکاتێر