دكتۆر ئه‌نبا ئه‌نتۆنیۆس: خۆمان به‌خوێندكاری سه‌رۆك مام جه‌لال ده‌زانین

.

پاشنیوه‌ڕۆی ئه‌مڕۆ 24-3-2019 دكتۆر ئه‌حمه‌د به‌رزنجی یاریده‌ده‌ری سكرتێری گشتی یه‌كێتیی نیشتمانیی كوردستان، له‌ مه‌زاری سه‌رۆك مام جلال پێشوازیكرد له‌ دكتۆر ئه‌نبا ئه‌نتۆنیۆس مه‌ترانی كورسی ئۆرشه‌لیم و ڕۆژهه‌ڵاتی خواروو، كه‌ به‌سه‌رۆكایه‌تی وه‌فدێكی هاوڕێی، سه‌ردانی مه‌زاری سه‌رۆك مام جه‌لالیان كرد.

له‌وته‌یه‌كیدا دكتۆر ئه‌حمه‌د به‌رزنجی به‌گه‌رمی به‌خێرهاتنی وه‌فدی میوانی كردو ڕۆڵی ڕابردووی جه‌نابی مام جه‌لال-ی به‌ گرنگ وه‌سفكرد له‌ ڕایه‌ڵه‌ی نێوان ئاینه‌ جیاوازه‌كان و پێكه‌وه‌ ژیانیان له‌هه‌رێمی كوردستان و عیراقدا.

له‌به‌رامبه‌ردا دكتۆر ئه‌نبا ئه‌نتۆنیۆس شانازیكرد به‌ سه‌ردانه‌كه‌یان و خۆی به‌خوێندكاری سه‌رۆك مام جه‌لال زانی و وتیشی : ئێمه‌ زۆرجار وانه‌ی گرنگ فێربووین له‌ژیانی سیاسی هه‌ڤاڵ مام جه‌لال دا.

PUKmedia تایبه‌ت