پەروین بابەكر: مام جەلال هەمیشە پاڵپشتی ژنان بووە

.

پەروین بابەكر حەمە ئاغا ئەندامی سەركردایەتی یەكێتیی نیشتمانیی كوردستان و وەزیری پێشووتری پیشەسازی هەرێمی كوردستان، دوای بردنەوەو بەدەستهێنانی خەڵاتی (بصمە قائدە) لەلوبنان، ئاماژەی بەوەكردووە بەخشینی ئەو خەڵاتە لەپای كار‌ و پرۆژەكانیاندا بووە لە بواری ئابوری و سەربەخۆیی ئابوری لە كەر‌تی گشتی و دامەزراوەكاندا.

 پەروین بابەكر بابەكر تەئكیدشیكردۆتەوە لەوەی هەمیشە جەنابی مام جەلال پاڵپشت و هاندەری ژنان بووە بۆ بەرەو پێشچوون و بەتایبەتیش سودی لە ئامۆژگاریی و هاندانەكانی وەرگرتووە، هەمیشەش ئەو وتەیەی سەرۆك مام جەلال دووپات دەكاتەوە كە دەیوت ( كۆمەڵگای مەدەنی دروست نابێت ئەگەر ژنان یەكسان نەبن لەگەڵ پیاواندا).

 لەو سۆنگەیەشەوە جەخت دەكاتەوە لەوەی دەبێت ژنان خاوەنی ئابوری سەربەخۆبن تا بتوانن خاوەنی بڕیار و چارەنووسی خۆیان بن.

PUKmedia  تایبه‌ت