په‌یامی ره‌فعه‌ت عه‌بدوڵڵا بۆ ده‌نگی گه‌لی كوردستان

.

به‌بۆنه‌ی 40 هه‌مین ساڵڕۆژی دامه‌زراندنی ئێزگه‌ی ده‌نگی گه‌لی كوردستانه‌وه‌، ره‌فعه‌ت عه‌بدوڵڵا ئه‌ندامی مه‌كته‌بی سیاسی یه‌كێتیی نیشتمانیی كوردستان، بروسكه‌یه‌كی پیرۆزبایی ئاڕاسته‌ی به‌ڕێوه‌به‌رو كارمه‌ندانی ئێزگه‌كه‌ ده‌كات كه‌ ئه‌مه‌ ده‌قه‌كه‌یه‌تی:

به‌ڕێزان به‌ڕێوه‌به‌ر و كارمه‌ندانی ئیزگه‌ی ده‌نگی گه‌لی كوردستان

ئه‌مڕۆ مۆمێكی تر له‌ ته‌مه‌نی ئیزگه‌ی ده‌نگی گه‌لی كوردستان دائه‌گرسێت و ساڵێكی تری پڕ له‌ به‌خششی كاری میدیایی ئه‌خاته‌ سه‌ر ده‌سكه‌وته‌كانی تری، به‌م بۆنه‌یه‌وه‌ پیرۆزبایی گه‌رمتان لێ ئه‌كه‌م، ئیزگه‌ی ده‌نگی گه‌لی كوردستان ده‌نگێكی بوێر و سیمبولی شۆڕشێكی گه‌وره‌ی خه‌ڵكی كوردستان بوو، ئه‌م ئیزگه‌یه‌ له‌ مێژوودا ڕوبه‌رێكی گه‌وره‌ی له‌ شانازی و سه‌ركه‌وتن و خۆشه‌ویستی له‌ناو شۆڕش و خه‌ڵكی كوردستاندا پێ ده‌بڕێت، بێگومان ئیزگه‌یه‌ك میراتگری مێژوویه‌كبێت كه‌ نه‌ته‌وه‌یه‌ك شانازی پێوه‌بكات ده‌بێت له‌ ئێستای كاری میدیایشیدا به‌ ئامانه‌تێكی زۆره‌وه‌ هه‌واڵ و گۆڕانكاری و روداوه‌كان بۆ گوێگرانی بگوازێته‌وه‌ و له‌ بواره‌كانی تری وه‌ك وه‌رزش و هونه‌ر و ژیانی كۆمه‌ڵایه‌تیمان ده‌وری خۆیی ببینێت، تا ئێستاش گوێگرێكی زۆر له‌ده‌وری ئیزگه‌ كۆبۆته‌وه‌ ئه‌مه‌ش ئه‌ركی ئێوه‌ی قورستر كردوه‌ بۆیه‌ به‌ ئومێده‌وه‌ له‌ هه‌نگاوه‌ میدیایه‌كانی داهاتووتان ئه‌ڕوانین.

ره‌فعه‌ت عه‌بدوڵا حه‌مه‌ڕه‌ش

PUKmedia تایبه‌ت