بڕێكی زۆر خواردنی به‌سه‌رچوو ده‌ستی به‌سه‌رداگیرا

.

لیژنه‌هاوبه‌شه‌كانی قائیمقامیه‌تی سلێمانی و به‌شی چاودێری ئاسایشی سلێمانی له‌ كۆگایه‌كدا له‌ناوچه‌ی پیشه‌سازی  ده‌ستیان گرت به‌سه‌ر بڕێكی زۆر خواردنی ماوه‌به‌سه‌رچوودا و دوای ده‌ست به‌سه‌راگرتنی سه‌رجه‌می له‌ناوبرا .

گۆران قادر سه‌رۆكی لیژنه‌هاوبه‌شه‌كانی قائیمقامیه‌تی سلێمانی رایگه‌یاند : له‌سه‌ر زانیاری به‌شی چاودێری به‌ڕێوه‌به‌رایه‌تی ئاسایشی سلێمانی كه‌ درابوو به‌ لیژنه‌هاوبه‌شه‌كان , هه‌ریه‌ك له‌ لیژنه‌كانی " رێستۆرانت و لیژنه‌ی 2  و لیژنه‌ی گۆگاكان" به‌دواداچونه‌كانیان ده‌ستپێكردو له‌ئه‌نجامدا له‌كۆگایه‌كدا له‌ ناوچه‌ی پیشه‌سازی شاری سلێمانی توانرا ده‌ستبگیرێت به‌سه‌ر بڕی نزیكه‌ی "300" كلیۆگرام خواردنی ماوه‌ به‌سه‌رچوو كه‌ پێكهاتبوو له‌ "بیبه‌ری توونی خۆشكراو , زه‌یتوون , خورما, هه‌مبه‌رگر" .

سه‌رۆكی لیژنه‌هاوبه‌شه‌كانی قائیمقامیه‌تی سلێمانی وتیشی : سه‌رجه‌م مه‌واده‌ به‌سه‌رچووه‌كان له‌ناوبران و خاوه‌نی شوێنه‌كه‌ش رووبه‌ڕووی سزای یاسایی ده‌كرێته‌وه‌ .   

PUKmedia راگه‌یاندنی قائیمقامیه‌تی سلێمانی