رێگری ده‌كرێت له‌به‌رزكردنه‌وه‌ی نرخی شوێنه‌گه‌شتیارییه‌كانی دوكان

.

رێگری ده‌كرێت له‌ به‌رزكردنه‌وه‌ی نرخی شوێنه‌گه‌شتیارییه‌كانی قه‌زای دوكان و كاری جدی ده‌كرێت بۆ سه‌لامه‌تی گیانی گه‌شتیاران.

رێژین ره‌ئوف به‌ڕێوه‌به‌ری گه‌شتوگوزاری دوكان به‌ PUKmedia ی راگه‌یاند: ئێمه‌ وه‌ك گه‌شتوگوزاری دوكان به‌هاوكاری به‌ڕێوه‌به‌ری پۆلیسی دوكان و لێژنه‌كانی زیاده‌ڕۆیی له‌ شاره‌وانی، سه‌ردانی به‌شێك له‌پڕۆژه‌ گه‌شتیاریه‌كانی قه‌زای دوكانمان كرد ،به‌مه‌به‌ستی ئاگاداربوون له‌ ئاماده‌كاری پڕۆژه‌كان بۆ پێشوازی كردن له‌گه‌شتیاران و پێدانی چه‌ندین رێنمای و ئاگاداركردنه‌وه‌یه‌ك بۆ خاوه‌ن پڕۆژه‌كان سه‌باره‌ت به‌ سه‌لامه‌تی گه‌شتیاران و نرخ و چه‌ندین ڕێنمای گه‌شتوگوزاری تر بۆ خزمه‌تكردنی  گه‌شتیاران.

وتیشی: هه‌ر خاوه‌ن پڕۆژه‌یه‌ك پابه‌ندی یاساو ڕینمایه‌كان نه‌بێت به‌پێی یاسا لێپێچینه‌وه‌ی له‌گه‌ڵ ده‌كرێت .

PUKmedia بێستون شاره‌ستێنی / دوكان