یه‌كێتی به‌رده‌وامه‌ له‌بایكۆتی كۆبونه‌وه‌كانی په‌رله‌مان

.

بڕیاره‌ سبه‌ینێ سێ شه‌ممه‌  19-3-2019  بۆ ده‌ستنیشانكردنی ده‌سته‌ی سه‌رۆكایه‌تی لیژنه‌كان، په‌رله‌مانی كوردستان بێ فراكسیۆنی یه‌كێتی كۆببێته‌وه‌.

له‌و باره‌یه‌وه‌ باڵامبۆ محه‌مه‌د ئه‌ندامی په‌رله‌مانی كوردستان له‌ فراكسیۆنی یه‌كێتی به‌ PUKmedia ی راگه‌یاند: له‌ئێستادا ئه‌ندامانی لیژنه‌كانی په‌رله‌مان ته‌واون و په‌رله‌مان ده‌نگی له‌سه‌رداون، بڕیاریشه‌ له‌كۆبوونه‌وه‌ی سبه‌ینێی په‌رله‌ماندا سه‌رۆك و جێگرو بڕیارده‌ری لیژنه‌كان ده‌نگی له‌سه‌ر بدرێت، كه‌بێگومان فراكسیۆنی یه‌كێتی به‌شداری ئه‌و كۆبوونه‌وه‌یه‌ ناكات.

وتیشی: یه‌كێتی جگه‌ له‌وه‌ی له‌سه‌رجه‌م لیژنه‌كاندا ئه‌ندامی هه‌یه‌، سه‌رۆكایه‌تی چه‌ند لیژنه‌یه‌كیش وه‌رده‌گرێت و له‌رێگه‌ی ئه‌ندامه‌كانییه‌وه‌ له‌لیژنه‌كان پرۆژه‌كانی پێشكه‌ش به‌ سه‌رۆكایه‌تی په‌رله‌مان ده‌كات.

 PUKmedia تایبه‌ت