ڤیدیۆ..لاهور جەنگی:لەباغۆز سەرەداوی پێشمەرگە دیلەكانمان دەستكەوتوە

.

لاهور شێخ جەنگی رایگەیاند هێزەكانی دژەتیرۆر لەباغۆز سەرەداوی چارەنوسی پێشمەرگە دیلەكانی شەڕی داعشیان دەستكەوتوەو لەباغۆزیش هەندێك كەسیان دەستگیركردوە تا بەدواداچوونی زیاتر بكەن.

لاهور شێخ جەنگی لێپرسراوی ئاژانسی پاراستن و زانیاری- زانیاری هەرێمی كوردستان لەلێدوانێكیدا بۆ كەناڵەكانی راگەیاند لەبارەی نادرنی هێزی دژە تیرۆر بۆ باغۆز رایگەیاند: لەم ماوەیەی دوایدا بۆ  ئەو پێشمەرگە دیلانەی بێسەروشوێنن بەدواداچون و گەڕانمان كردوە.

وتیشی: ناردنی هێزەكەمان تەنها بۆ شەڕ كردن نەبووە، بەڵكو هەندێك سەرەداومان دەستكەوتووە كە خەڵكانێك بەرپرس بوون لەوكارەو بەدوای ئەوەدا رۆیشتوین.

پرسراوی ئاژانسی پاراستن و زانیاری- زانیاری هەرێم، راشیگەیاند: لەباغۆ هەندێك كەسمان دەستگیركردوە تا بەدواداچوونی زیاتر بكەین بۆ چارەنوسی ئەو پێشمەرگانەی لەشەڕی داعشدا كەوتونەتە دەست تیرۆرستانی داعش. 

PUKmedia كوردۆ عەلی 

 لینكی یارمەتیدەر بۆ بینینی ڤیدیۆیەكە