هه‌زار سه‌ربازی ئه‌مریكا له‌سوریا ده‌مێنێته‌وه‌

.

رۆژنامه‌یه‌كی جیهانی له‌زاری به‌رپرسێكی باڵای ئه‌مریكاوه‌ ئاشكرایكردوه‌، 1000 سه‌ربازی ئه‌مریكا له‌ناو خاكی سوریا ده‌مێننه‌وه‌.

به‌رپرسێكی باڵای سه‌ربازی ئه‌مریكا، به‌ رۆژنامه‌ی واڵئیستره‌یت جۆڕناڵی راگه‌یاندوه‌:" ئه‌مریكا نیازی هه‌یه‌ 1000 سه‌ربازی خۆی  له‌ناو خاكی سوریا بهێڵێته‌وه‌".

هه‌رچه‌ند پێشتر دۆناڵد تره‌مپ سه‌رۆك كۆماری ئه‌مریكا جه‌ختی له‌كشانه‌وه‌ی ته‌واوی هێزه‌كانی كردبوو له‌ناو خاكی سوریا، به‌ڵام به‌پێی راپۆرتی ئه‌و رۆژنامه‌یه‌ هه‌ر یه‌ك له‌ جۆن بۆڵتۆن راوێژكاری ئاسایشی ئه‌منی ئه‌مریكاو وه‌زیری ده‌ره‌وه‌ی ئه‌مریكا، ده‌یانه‌وێت به‌هه‌ر شێوه‌یه‌ك بێت رازی بكه‌ن به‌مانه‌وه‌ی  به‌شێكی بچوك له‌سه‌ربازانی وڵاته‌كه‌یان.

PUKmedia ئاژانسه‌كان