پێشانگایه‌كی شێوه‌كاری له‌شاره‌زور ده‌كرێته‌وه‌

.

ئه‌مڕۆ یه‌كشه‌ممه‌ 17-3-2019 له‌ سی و یه‌كه‌مین ساڵیادی كیمیابارانی هه‌ڵه‌بجه‌دا به‌ڕێوه‌به‌رایه‌تی ڕۆشنبیری هونه‌ری شاره‌زور پێشانگایه‌كی شێوه‌كاری تایبه‌ت به‌ مه‌رگه‌ساتی هه‌ڵه‌بجه‌ بۆ شێوه‌كار محه‌مه‌د خورماڵی كرده‌وه‌ .

له‌و باره‌یه‌شه‌وه‌ محه‌مه‌د خوڕماڵی شێوه‌كار به‌ PUKmedia ڕاگه‌یاند :ئه‌مه‌وێت ده‌ستخۆشی له‌قائیمقامیه‌تی قه‌زای شاره‌زور بكه‌م بۆ ئه‌و پاڵپشتییه‌ی كه‌لێیان كردم  هه‌روه‌ها سوپاسی له‌گه‌ڵ ڕۆشنبیری هونه‌ری شاره‌زوریش ده‌كه‌م .

وتیشی: تابلۆكان بریتین له‌ دوو شێوه‌ هه‌ندێك به‌ واقیع هه‌ندێكیشی به‌ هزرو خه‌یاڵی خۆم و پێشانگاكه‌ له‌ (40 ) تابلۆ پیكهاتووه‌ به‌قه‌ باره‌ی جیاواز كێشراون.

ئه‌وه‌شی خسته‌ڕوو: خه‌ڵكێكی زۆر پێشوازیان له‌كاره‌كانم كردو ده‌ستخۆشیان لێكردم و ئامانجمان له‌پێشانگاكه‌ به‌رجه‌سته‌كردنی تراژیدیای هه‌ڵه‌بجه‌بوو به‌جیلی نوێ، ئاشناكردنیان به‌مێژووی هه‌ڵه‌بجه‌.

PUKmedia محه‌مه‌د عه‌بدولڕه‌حمان / شارزوور