مووچەی شەهیدانی هەرێم و بەغدا هاوتا دەكرێت

.

عیراق و هه‌رێم له‌سه‌ر هاوتاكردنی مووچه‌ی شه‌هیدان گه‌یشتوونه‌ته‌ رێكه‌وتنی سه‌ره‌تایی.

وه‌زیری كاروباری شه‌هیدان و ئه‌نفالكراوان پرسی ماف مستحقاتی كه‌سوكاری شه‌هیدان و زیندانیانی سیاسی له‌كه‌ڵ سه‌رۆكی ده‌زگای شه‌هیدانی عیراقدا تاوتوێكرد.

ئیواره‌ی رۆژی 16/3/2019 مه‌حمودی حاجی ساڵح وه‌زیری كاروباری شه‌هیدان و ئه‌نفالكراوان له‌هوتێل تایتانیكی شاری سلێمانی له‌گه‌ڵ دكتوره‌ ناحجه‌ عبدالامیر سه‌رۆكی ده‌زگای شه‌هیدانی عیراق كۆبووه‌ .

له‌و كۆبوونه‌وه‌یه‌دا كه‌ به‌ڕێوه‌به‌ری گشتی كاروباری شه‌هیدان و ئه‌نفالكراوانی سلێمانی و به‌ڕێوه‌به‌ری زیندانیه‌ سیاسیه‌كان كوردستان و تارق منده‌لاوی به‌ڕێوه‌به‌ری گشتی فه‌رمانگه‌ی قوربانیانی تیرۆر له‌ ده‌زگای شه‌هیدانی عیراق  ئاماده‌یبوون، پرسی جێبه‌جێ كردنی بڕیاری ئه‌نجومه‌نی نوێنه‌ران بۆ یه‌كخستنی سیاسه‌ته‌ داراییه‌كان و مستحقاتی دارای كه‌س و كاری شه‌هیدان و  زیندانیانی سیاسی و كاری ئه‌و لیژنه‌یه‌ی كه‌ بۆ جێبه‌جێ كردنی بریاری ئه‌نجومه‌نی نوێنه‌ران ژماره‌ 26ی سالی 2018 گفتوگۆی له‌باره‌یه‌وه‌ كرا.

له‌ سه‌ره‌ای كۆبوونه‌وه‌كه‌دا وه‌زیری كاروباری شه‌هیدان و ئه‌نفالكراوان سوپاسی سه‌ركۆكی ده‌زگای شه‌هیدانی عیراقی كرد كه‌ به‌شداری یادی كیمیاباران كردنی هه‌ڵه‌بجه‌ی كردو ته‌ئكیدی له‌وه‌كرده‌وه‌ هه‌ردوولا بۆ پرسێكی مرۆیی و داكۆكی كردن له‌ ماف و ئیمتیازاتی كه‌سوكاری شه‌هیدان كار ده‌كه‌ن، بۆیه‌ پێویسته‌ هاوكاری و هه‌ماهه‌نگی یه‌كتری بن.

هه‌روه‌ك ورده‌كاری كاركردن به‌ یاسای ماف و ئیمتیازاتی كه‌سوكاری شه‌هیدان له‌هه‌رێمی كوردستان و ئه‌و كه‌سانه‌ی له‌ وه‌زاره‌تی كاروباری شه‌هیدان سودمه‌ندن بۆ سه‌رۆكی ده‌زگای شه‌هیدان روونكرده‌وه‌ پێی راگه‌یاند، كه‌سوكاری شه‌هیدان مافی خویانه‌ به‌پێی ماده‌ی 132 قه‌ره‌بووی شایسته‌ بكرێنه‌وه‌ و ژیانیان باش بكرێت.

داوای لێكردن هاوكار بێت له‌ رێگه‌ی ئه‌و لیژنه‌یه‌ی كه‌ به‌سه‌رۆكایه‌تی ئه‌و پێكهاتووه‌ بۆ ئه‌وه‌ی له‌و قوناغه‌دا بتواندرێت منحه‌ و مستحقاتی كه‌سوكاری شه‌هیدان له‌سه‌ر بودجه‌ی سیادی عیراق دابینبكرێت تا ئه‌و كاته‌ی كار بۆ دارشتنی یاسا و میكانیزمی گونجاو بۆ هاوتا كردنی موجه‌ی كه‌س وكاری شه‌هیدان ده‌ندرێت و ئه‌و لیژنه‌یه‌ له‌ كاره‌كانی به‌رده‌وام بێت تاكو ئه‌و ئه‌ركه‌ی جێبه‌جێ ده‌كات.

له‌لایه‌ن خۆیه‌وه‌ ناجحه‌ عبدالامیری دوای ئه‌وه‌ی سوپاسی وه‌زیری كاروباری شه‌هیدان و ئه‌نفالكراوانی كرد بۆ میواداری كردنی بۆ به‌شداری كردن له‌ یادی مه‌رگه‌ساتی هه‌ڵه‌بجه‌داو راگه‌یاند، ئه‌وان وه‌كو لیژنه‌ خاڵی په‌یوه‌ندین له‌نێوان بڕیار به‌ده‌ستان و خاوه‌ن ماف كه‌ كه‌سوكاری شه‌هیدان و زیندانیانی سیاسین بۆیه‌ ده‌بێت به‌ ئامانه‌ته‌وه‌ كار بۆ به‌دی هێنانی كاره‌كان بكه‌ین.

دواتر كورته‌یه‌كی له‌باره‌ی شوێوازی ده‌سته‌به‌ر كردنی منحه‌ و مافی كه‌سوكاری شه‌هیدانی له‌ عیرقدا روونكرده‌وه‌.

هه‌روه‌ها ئه‌و ئالیه‌تی و میكانیزمانه‌ی رونكرده‌وه‌ كه‌ بۆ هاوتا كردنی موچه‌ی كه‌سوكاری شه‌هیدان پێویسته‌، به‌تایبه‌تی هه‌موار كردنه‌وه‌ی ئه‌و یاسایانه‌ی تایبه‌ته‌ به‌ كه‌سوكاری شه‌هیدان و زیندانیانی سیاسی له‌عیراق و هه‌رێمی كوردستان و روونكردنه‌وه‌ی تایبه‌تی له‌و باره‌یه‌وه‌ خسته‌ڕوو.

هه‌ر له‌ كۆبوونه‌وه‌كه‌دا ئاماژه‌ به‌و یاداشتانه‌ كرا كه‌ له‌ رابردوودا له‌ نێوان وه‌زاره‌تی كاروباری شه‌هیدان و ئه‌نفالكراوان و ده‌زگای شه‌هیدانی عیراق ئیمزا كراوه‌ به‌ پێویست زاندرا كه‌ به‌چه‌ند خالێكی تر ئه‌و یاداشتی لێكتێگه‌یشتنانه‌ ده‌وڵه‌مه‌ند بكرێت و كاری بۆ بكرێت.

هه‌ردوولا هاوڕابوون له‌سه‌ر  ئه‌وه‌ی له‌ رووی ئاڵگۆڕی شاره‌زایی و هاوكاری كردنی یه‌كتری له‌ رووی روشنیری و چالاكی بۆ خزمه‌تی كه‌سوكاری شه‌هیدان و ئه‌نفاكراوان هه‌ماهه‌نگی یه‌كتری بن.

مەحمودی حاجی ساڵح وەزیری كاروباری شەهیدان و ئەنفالكراوانی حكومەتی هەرێمی كوردستان لەدوای كۆبوونەوەی لەگەڵ سەرۆكی دەزگای شەهیدانی عیراق، له‌كۆنگره‌یه‌كی رۆژنامه‌وانیدا رایگەیاند: لەسەر هاوتاكردنی مووچەی شەهیدان و ئەنفالكراوان لەگەڵ بەغدا گەیشتوون بە ڕێكەوتنی سەرەتایی و ئومێدیشی خواست بەمنزیكانە بگەنە ڕێكەوتنی كۆتایی.

 راشیگەیاند: ئومێدەوارین بەهەردوولا كێشەی هاوتاكردنی مووچەی شەهیدان و ئەنفالكراوان و زیندانیانی سیاسی بە تەواوی چارەسەر بكەین و نزیكین لەرێكەوتن و هیواخوازین بەمزووانە ببێتە بڕیار.

به‌ڤیدیۆ.. ده‌قی وته‌ی مه‌حمودی حاجی ساڵح وه‌زیری شه‌هیدان ئه‌نفالكراوانی حكومه‌تی هه‌رێمی كوردستان.

PUKmedia تایبه‌ت