ژماره‌یه‌ك سه‌ركرده‌ی داعش له‌باغوز گه‌مارۆ دراون

.

شه‌ڕ له‌شارۆچكه‌ی باغوزی رۆژهه‌ڵاتی فورات به‌رده‌وامه‌و ژماره‌یه‌كی زۆر  داعش گه‌مارۆ دراون و به‌چڕی بۆردومان ده‌كرێن.

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند: شه‌ڕی كۆڵان به‌كۆڵان له‌ناو شارۆچكه‌ی باغوز به‌رده‌وامه‌، ژماره‌یه‌كی زۆر تیرۆرست ماون و گه‌مارۆدراون.

وتیشی: ئه‌و تیرۆرستانه‌ی ماون رۆژانه‌ خۆیان به‌ده‌سته‌وه‌ ده‌ده‌ن،و به‌شێكیانیش خۆكوژن و خۆیان بۆمبڕێژكردوه‌.

رونیشكرده‌وه‌: له‌ناو ئه‌و تیرۆرستانه‌دا ژماره‌یه‌ك سه‌ركرده‌ی دیاری داعش بوونیان هه‌یه‌، كه‌ به‌شێكیان بیانین و ده‌ستیان له‌هێرشكردنه‌ سه‌ر موسڵ و شه‌نگال و چه‌ند ناوچه‌كی تردا هه‌یه‌.

PUKmedia  سامان یاروه‌یس