بافڵ ته‌ڵه‌بانی: 16ی ئادار بۆ یه‌كێتییه‌كه‌مان رۆژی وه‌فایه‌

.

بافڵ ته‌ڵه‌بانی له‌ ساڵیادی كاره‌ساتی كیمیابارانكردنی هه‌ڵه‌بجه‌دا په‌یامێك بڵاوده‌كاته‌وه‌و ئاماژه‌ بۆ ئه‌وه‌ده‌كات، 16ی ئادار، بۆ گه‌له‌كه‌مان رۆژی خۆڕاگری و سوربوون له‌سه‌ر كورد و كوردستانی بونمانه‌، رۆژی یه‌كڕیزی و یه‌كگرتنه‌ بۆ شاد كردنی رۆحی په‌پوله‌ ئاسای شه‌ھیدانمان.

ده‌قی په‌یامه‌كه‌..
16ی ئادار.. یادی كیمیابارانی ھه‌ڵه‌بجه‌
رۆژی شه‌رمه‌زارییه‌، بۆ دوژمنانی گه‌ل و نیشتمان. ده‌رخستنی روی دزێوی فاشیزمی به‌عس و ھاوسۆزه‌كانی بوو.
16ی ئادار.. بۆ گه‌له‌كه‌مان رۆژی خۆڕاگری و سور بوون له‌سه‌ر كورد و كوردستانی بونمان، رۆژی یه‌كڕیزی و یه‌كگرتنه‌ بۆ شاد كردنی رۆحی په‌پوله‌ ئاسای شه‌ھیدانمان.
16ی ئادار.. بۆ یه‌كێتییه‌كه‌مان، رۆژی وه‌فاو ئیراده‌یه‌ بۆ پاراستنی گه‌ل و نیشتمان و خزمه‌تی زیاتری ھه‌ڵه‌بجه‌و ھه‌ڵه‌بجه‌ییه‌كانه‌.
16ی ئادار.. بۆ به‌نده‌ش؛ رۆژی تێڕامانه‌ له‌ مه‌زنی گه‌له‌كه‌مان و یه‌كێتییه‌كه‌مان، رۆژی په‌ند وه‌رگرتنه‌ بۆ سور بوون و به‌رده‌وام بوون تا به‌ده‌ستھێنانی یه‌ك به‌ یه‌كی ئامانجه‌كانمان.

بافڵ جه‌لال ته‌ڵه‌بانی
16ی ئاداری

PUKmedia تایبه‌ت